(កំពង់ចាម)៖ លោកឧត្តមសេនីយ៍ សោ សាវឿន ជាប្រធានក្រុមការងារគណបក្សប្រជាជនកម្ពុជាចុះជួយឃុំអូរស្វាយ បានដឹកនាំក្រុមការងារចុះទៅជួបសំណេះសំណាលសួរសុខទុក្ខជាមួយប្រជាពលរដ្ឋ ក្នុងឃុំអូរស្វាយ និងនាំអំណោយរបស់លោក ហ៊ុន ណេង អនុប្រធានទី១ ក្រុមការងារគណបក្សប្រជាជនកម្ពុជាចុះជួយ ខេត្តកំពង់ចាម និងជាអ្នកតំណាងរាស្រ្តមណ្ឌលខេត្តកំពង់ចាម ទៅចែកជូនដល់សមាជិក សមាជិកាគណបក្សប្រជាជនកម្ពុជា។
ក្នុងឱកាសនោះលោក សោ សាវឿន បានបន្ដចុះទៅពិនិត្យមើលបង្គោលភ្លើង នៅភូមិអំពិលក្រញ៉ាញ់ ដែលប្រជាពលរដ្ឋសំណូមពរឲ្យដាក់បន្តទៀត និងបានចុះទៅពិនិត្យមើលអណ្តូងទឹក១ នៅសាលាបឋមសិក្សានៅភូមិអូរស្វាយ ជាអំណោយរបស់លោក ហ៊ុន ណេង ដែលបានធ្វើរួចរាល់។
អំណោយដែលផ្ដល់ជូនក្នុងឱកាសនោះ រួមមាន៖ គ្រួសារសព ៤គ្រួសារ ដោយ១គ្រួសារ ទទួលបានថវិកា ២០ម៉ឺនរៀល, កូនខ្ចី២៤គ្រួសារ ក្នុង១គ្រួសារ ទទួលបានសារ៉ុង១ ថវិកា១០ម៉ឺនរៀល, គ្រួសារជួបការលំបាក១០គ្រួសារ ក្នុង១គ្រួសារ ទទួលបានអង្ករ១បេ, មី១កេស, ទឹកត្រី១យួរ, ទឹកស៊ីអ៊ីវ១យួរ និងថវិកា៥ម៉ឺនរៀល, ឧបត្ថម្ភដល់គ្រួសារមួយ ដែលផ្ទះមានដំបូលលេចធ្លុះធ្លាយ នូវដែកស័ង្កសី ចំនួន១០សន្លឹក, ឧបត្ថម្ភថវិកាសម្រាប់ជួសជុលអណ្តូងទឹក ចំនួន៣០ម៉ឺនរៀល និងជូនលោកយាយ លោកតា មួយចំនួនទៀតផងដែរ៕
