(បន្ទាយមានជ័យ)៖ នារសៀលថ្ងៃទី​១៣ ខែសីហា​ ឆ្នាំ២០១៧​ លោក វង សូត​ រដ្ឋមន្រ្តី​ក្រសួងសង្គមកិច្ច អតីតយុទ្ធជន និង​យុវនីតិសម្បទា និងលោក សួន បវរ អភិបាលខេត្តបន្ទាយមានជ័យ ព្រមទាំង​គណៈប្រតិភូ​អម ដំណើរដែលមកពី ក្រសួងស្ថាប័ន​ពាក់ព័ន្ធ ​បានចុះត្រួតពិនិត្យផ្ទៃដី​១ហិកតា ដែលនឹង​ត្រូវសាង​សង​មណ្ឌលសំចត​​​ប៉ោយប៉ែត សម្រាប់ជួយដល់ជនរងគ្រោះ​ពីការជួញដូ​រ ស្ថិតនៅក្នុង​ភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត ខេត្ត​បន្ទាយមានជ័យ​។

នៅក្នុងឱកាសនោះលោក វង សូត បានជំរុញក្រុមហ៊ុនកសាង​អាគារ​ចាប់ផ្តើម និងបញ្ចប់ឲ្យបានឆាប់រហ័ស ដើម្បីជួយសង្រ្គោះជនរងគ្រោះ ពីការជួញដូរ ពីសំណាក់​ប្រទេស​ជិត​ខាងឲ្យបានលឿន និងមានប្រសិទ្ធភាពខ្ពស់ ស្របទៅនឹងយុទ្ធសាស្ត្រអភិវឌ្ឍន៍ របស់រាជរដ្ឋាភិបាលសព្វថ្ងៃ៕