(ឧត្តរមានជ័យ)៖ កម្លាំងនគរបាលស្រុកចុងកាល់ ខេត្តឧត្តរមានជ័យ បានឃាត់ខ្លួនជនសង្ស័យម្នាក់ ពី​បទរំលោភ​សេពសន្ទវៈកុមារីអាយុត្រឹមតែ៦ឆ្នាំ​ នៅវេលាម៉ោង៩ព្រឹក ថ្ងៃទី១១ ខែសីហា​ ឆ្នាំ២០១៧​ នៅភូមិបន្ទាយចាស់ ឃុំចុងកាល់។

សមត្ថកិច្ចបានឲ្យដឹងថា ករណីប៉ុនប៉ងរំលោភសេពសន្ទវៈ លើអនិតិជនកុមារី​ឈ្មោះ ហ.ស.រ អាយុ ៦ឆ្នាំ ទីលំនៅភូមិបន្ទាយចាស់ ឃុំចុងកាល់ ស្រុកចុងកាល់ ខណៈពេល​កុមារីចូល​ក្នុងបន្ទប់ទឹកម្នាក់ឯង​ ជនសង្ស័យ​ឃើញឱកាសល្អចូលទៅចាប់រំលោភបានម្រេច​។ សមត្ថកិច្ចបន្តថា​ ជនសង្ស័យឈ្មោះ នុន យិក​ អាយុ៤៥ឆ្នាំ ទីលំនៅជាមួយគ្នា មុខរបរធ្វើស្រែ។

ក្រោយទទួលបណ្តឹងពីឪពុកម្តាយកុមារីរងគ្រោះ កម្លាំងនគរបាលបានចុះទៅឃាត់ខ្លួនជនសង្ស័យ យកមកអធិការដ្ឋាននគរបាលស្រុកចុងកាល់ ដើម្បីកសាងសំណុំរឿងតាមនិតិវិធីច្បាប់៕