(ភ្នំពេញ)៖ បុរសម្នាក់ដែលមានមុខរបរជាសន្ដិសុខ បានផឹកស្រាស្រវឹងជោគជាំ ទៅចាប់រំលោភកម្មការិនីបានសម្រេច តែក៏ត្រូវកម្លាំងនគរបាលខណ្ឌច្បារអំពៅបានខ្លួន។ ហេតុការណ៍នេះកើតឡើងនៅយប់ថ្ងៃទី០៧ ខែសីហា ឆ្នាំ២០១៧ នៅរោងចាំដីឡូត៍គ្មានលេខ ភូមិយកបាត្រ សង្កាត់ក្បាលកោះ ខណ្ឌច្បារអំពៅ។
មន្ដ្រីនគរបាលមូលដ្ឋានបានឲ្យដឹងថា ជនសង្ស័យដែលជាសន្ដិសុខនោះ ឈ្មោះ ងួន ណារ៉េត ហៅរ័ត្ន អាយុ៣១ឆ្នាំ ស្នាក់នៅភូមិយកបាត្រ សង្កាត់ក្បាលកោះ ខណ្ឌច្បារអំពៅ។ មុនពេលកើតហេតុ ជនរងគ្រោះកំពុងដេកនៅចំណុចកើតហេតុ ស្រាប់តែជនសង្ស័យ ជាអ្នករស់នៅជិតគ្នាបានផឹកស្រាស្រវឹង ហើយដើរចូលទៅក្នុងរោងស្នាក់នៅរបស់ជនរងគ្រោះ រួចចាប់ជនរងគ្រោះរំលោភបានសម្រេចម្តង រួចរត់គេចខ្លួន ប៉ុន្ដែពេលនោះជនរងគ្រោះក៏បាន រាយការណ៍ជូនសមត្ថកិច្ច។
បច្ចុប្បន្នជនសង្ស័យត្រូវបានកម្លាំងនគរបាលឃាត់ខ្លួន បញ្ជូនទៅអធិការដ្ឋាននគបាលខណ្ឌច្បារអំពៅ ដើម្បីចាត់ការតាមច្បាប់៕
