(បន្ទាយមានជ័យ)៖ នាព្រឹកថ្ងៃទី០៦ ខែ សីហា ឆ្នាំ២០១៧ ឧបនាយករដ្ឋមន្ត្រី កែ គឹមយ៉ាន សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងជាប្រធានក្រុមការងារថ្នាក់កណ្តាលគណបក្សប្រជាជនកម្ពុជាចុះជួយខេត្តបន្ទាយមានជ័យ បានបន្តចុះជួបថ្លែងអំណរគុណដល់សមាជិក-សមាជិកាមហាគ្រួសារគណបក្សប្រជាជនចំនួន១៩៩៩នាក់ និងប្រជាពលរដ្ឋចំនួន១០៨គ្រួសារដែលទទួលរងគ្រោះដោយខ្យល់កន្ត្រាក់នៅក្នុងឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។
ក្នុងឱកាសនោះ ឧបនាយករដ្ឋមន្រ្តី បានលេីកឡេីងថាយេីងទាំងអស់គ្នាបានមានឱកាសអង្គុយជួបជុំជាមួយគ្នានាពេលនេះបានដោយសារប្រទេសជាតិរបស់យេីងមានសុខសន្តិភាព ស្ថេរភាពនយោបាយពាសពេញប្រទេសក្រោមការថ្នាក់ដឹកនាំដ៏រឹងមាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានបញ្ចប់សង្រ្គាមរាំរ៉ៃ ដែលផ្តល់ឱកាសអោយយើងទាំងអស់គ្នាមានពេលវេលាគ្រប់គ្រាន់សម្រាប់ធ្វើការអភិវឌ្ឍប្រទេសលើគ្រប់វិស័យដែលយើងទាំងអស់គ្នាបានឃើញជាក់ស្តែងផ្ទាល់នឹងភ្នែក។
ក្នុងឱកាសនោះដែរ នាយឧត្តមសេនីយ៍ កែ គឹមយ៉ានបានបន្តថាសន្តិសុខ សន្តិភាព សុវត្ថិភាពស្ថេរភាពនយោបាយពិតជារឿងសំខាន់ណាស់ព្រោះយើងបានមកដោយសារយកជិវិតទៅប្តូរ ដូចនេះយេីងទាំងអស់គ្នាត្រូវតែចូលរួមចំណែកនិងបន្តថែរក្សាការពារឱ្យបាននូវសុខសន្តិភាព និងស្ថេរភាពនយោបាយនេះជាមួយរាជរដ្ឋាភិបាលកម្ពុជា និងគណបក្សប្រជាជនកម្ពុជាយេីងឱ្យបានជាដាច់ខាត ដោយកុំជឿនូវការឃោសនាបោកបញ្ឆោតពីពួកអគតិ។
ជាមួយគ្នានេះ នាយឧត្តមសេនីយ៍ កែ គឹមយ៉ានបានពាំនាំនូវការសួរសុខទុក្ខ និងការថ្លែងអំណរគុណពីសំណាក់សម្តេចដែលជាថ្នាក់ដឹកនាំនៃគណបក្សប្រជាជនទាំងអស់ដល់មន្រ្តីរាជការ កងកំលាំងប្រដាប់អាវុធ លោកគ្រូអ្នកគ្រូ សិស្ស និស្សិតប្រជាពលរដ្ឋទាំងអស់នៅខេត្តបន្ទាយមានជ័យដែលបានបោះឆ្នោតជូនគណបក្សប្រជាជនកាលពីថ្ងៃទី៤ ខែមិថុនា ឆ្នាំ២០១៧ និងបានសំណូមពរឱ្យអ្នកបោះឆ្នោតទាំងអស់បន្តគាំទ្របោះឆ្នោតជូនគណបក្សប្រជាជននៅឆ្នាំ២០១៨ខាងមុខ។
ជាមួយវប្បធម៌ចែករំលែក និងការគិតគូរពីសុខទុក្ខប្រជាពលរដ្ឋអ្នកខេត្តបន្ទាយមានជ័យ ឯកឧត្តម នាយឧត្តមសេនីយ៍ កែ គឹមយ៉ាន បាននាំយកអំណោយផ្តល់ជូនដល់ប្រជាពលរដ្ឋរងគ្រោះ ដោយខ្យល់កន្រ្តាក់នៅក្នុងភូមិអូរប្រាសាទឃុំអូរប្រាសាទ ស្រុកមង្គលបូរី ចំនួនជាង១០៨គ្រួសារ ដែលក្នុងមួយគ្រួសារ ទទួលបាន:
១- អង្ករ ២៥គីឡូក្រាម
២-ទឹកសុីអុីវ ១យួរ
៣-ទឹកត្រី ១យួរ
៤-មី ១កេស
៥-ថវិកា ចំនួន ៥០.០០០រៀល
៦-សារ៉ុង ១។
ប្រជាពលរដ្ឋដែលជីវភាពក្រលំបាកខ្លាំងចំនួន៣០គ្រួសារក្នុងមួយគ្រួសារទទួលបាន
១-អង្ករ ២៥ គីឡូក្រាម
២-ថវិកា២០.០០០រៀល
៣-សារ៉ុង១ ។
លោកគ្រូ-អ្នកគ្រូ ៧៤នាក់ ម្នាក់ៗទទួលបានសារ៉ុង១ ថវិកា១០.០០០រៀល។ ប្រជាពលរដ្ឋចួលរួមមានចំនួន១៩២៥នាក់ ម្នាក់ៗទទួលបាននូវសារ៉ុងម្នាក់១។
ថវិកាឧបត្ថម្ភដល់ស្រុក មាន៖
-យោធា២.០០០.០០០រៀល
-នគរបាល ២.០០០.០០០រៀល
-អាវុធហត្ត ១.០០០.០០០រៀល
-យុវជន ស្រុក១.០០០.០០០រៀល
-វត្តអូរស្ងួត១.០០០.០០០រៀល។ ប្រគេនសុីម៉ង់ចំនួន១០តោន និងបច្ច័យកសាងចំនួន១.០០០.០០០រៀលជូនវត្តអូរប្រាសាទ៕
