(ពោធិ៍សាត់)៖ ជារៀងរាល់ថ្ងៃប្រជាពលរដ្ឋដែលជួបបញ្ហាប្រឈមដោះស្រាយមិនបាន និងជនចាស់ជរាទីទ័លខ្លាំង នៅក្នុងក្រុងពោធិ៍សាត់ ក៏ដូចជាបណ្តាស្រុកមួយចំនួន ក្នុងខេត្តពោធិ៍សាត់ តែងតែទូរស័ព្ទមកផ្ទាល់ និងចូលមកដល់សាលាខេត្តផ្ទាល់ ដើម្បីសុំឲ្យលោកអភិបាលខេត្ត ជួយអន្តរាគមន៍ដោះស្រាយនូវទុក្ខលំបាករបស់ពួកគាត់។

ជាក់ស្តែងនាថ្ងៃទី០២ ខែសីហា ឆ្នាំ២០១៧នេះ ប្រជាពលរដ្ឋប្រមាណ៥០នាក់ បានមកលើកដៃសំពះទាំងទឹកភ្នែក ដើម្បីសុំឲ្យលោក ម៉ៅ ធនិន អភិបាលខេត្តពោធិ៍សាត់ជួយ។ ឃើញសភាពបែបនេះ លោកអភិបាលខេត្ត បានសម្តែងនូវទឹកចិត្តអាណិតអាសូរក្រៃលែង ក៏បានចូលរួមដោះស្រាយឲ្យដូចជាគ្រួសារតែមួយ និងបានជូនស្បៀង សម្រាប់ដោះស្រាយជាបឋមទៅដល់ពួកគាត់ ទៅតាមលទ្ធភាពជាក់ស្តែង។

លោក ម៉ៅ ធនិន អភិបាលខេត្ត បានលើកឡើងថា ក្នុងនាមអាជ្ញាធរដែនដី និងក្នុងនាមឳពុកម្តាយគេ បើកប្រជាពលរដ្ឋមានទុក្ខលំបាកដោះស្រាយមិនមាន ហើយរត់មកពឹងពាក់ហើយ លោកមិនដែលធ្វើព្រងើយនោះទេ បើទោះបីដំណោះស្រាយទាំងនោះ វាមិនពេញតម្រូវការទាំងស្រុកក្តី តែជាការចូលរួមចំណែក និងចែករំលែកនូវក្តីស្រលាញ់ ដែលធ្លាប់រួមសុខ រួមទុក្ខជាមួយនឹងគ្នាជារៀងរហូតមក។ លោកបានលើកឡើងទៀតថា សព្វថ្ងៃនេះរាជរដ្ឋាភិបាល ក្រោមការដឹកនាំរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើឲ្យប្រទេសជាតិ មានការរីកចម្រើនលើគ្រប់វិស័យ ហើយបានធ្វើឲ្យប្រជាពលរដ្ឋក៏មានការពេញចិត្តគ្រប់ៗគ្នាផងដែរ។

ប្រជាពលរដ្ឋនៅទីនោះ បានសម្តែងនូវទឹកចិត្តសប្បាយរីករាយ និងបានថ្លែងអំណរគុណ ជូនចំពោះលោកអភិបាលខេត្ត ដែលពួកគាត់ឳពុកម្តាយប្រកបដោយព្រហ្មវិហារធម៌ ជួយដោះស្រាយទុក្ខលំបាកទាន់ពេលវេលា ព្រមទាំងបានសន្យាថា នឹងគាំទ្រយន្តការរបស់រាជរដ្ឋាភិបាល ដែលដឹកនាំដោយ សម្តេចតេជោ ហ៊ុន សែន ជារៀងរហូត។

ឆ្លៀតក្នុងឱកាសនោះ លោក ម៉ៅ ធនិន បានដឹកនាំអភិបាលរងខេត្ត ចុះពិនិត្យការស្ថាបនាក្លោងទ្វារសាលាខេត្តថ្មី ជាមួយនឹងហេដ្ឋារចនាសម្ព័ន្ធបំពេញបន្ថែម