(ភ្នំពេញ)៖ លោក ឡេង ណាវ៉ាត្រា ​ជាម្ចាស់ផលិតកម្ម Galaxy បានប្រកាស​ក្រែងៗជាចំហថា បទ​«តារាបែកស្លុយ២០១៧​» គឺមិនស្ថិតនៅក្នុងផលិតកម្មរបស់ខ្លួនទេ ទោះបីជា លោក ម៉ារ៉ា ប៊ុណ្ណា​ ជាតារាចម្រៀង ក្នុង​ផលិតកម្ម Galaxy របស់លោកក៏ដោយ។ ការបដិសេធរបស់លោក ឡេង ណាវ៉ាត្រា គឺបន្ទាប់ពីមានការរិះគន់​ធ្ងន់ៗ ពី​សំណាក់ទស្សនិកជន ទៅលើបទចម្រៀងដែលមានចំណងជើងថា «​តារាបែកស្លុយ២០១៧​» ​ផលិត និងច្រៀងដោយ លោក ម៉ារ៉ា ប៊ុណ្ណា ដែលបានចំឡងទាំងស្រុង​ពីបទរបស់ថៃនោះ ជាហេតុធ្វើឲ្យមានការមិនពេញចិត្ត ពីសំណាក់អ្នកគាំទ្រ។

តារាចម្រៀង ម៉ារ៉ា ប៊ុណ្ណា បានផលិតបទ «​តារាបែកស្លុយ២០១៧​» ដោយបានរំពឹងថា បទនេះនឹងទទួលបានការគាំទ្រខ្លាំង ប៉ុន្តែផ្ទុយពីការរំពឹងទុកនេះ បទថ្មីរបស់លោក បែរជាត្រូវទទួលរងនូវព្រនង់រិះគន់ខ្លាំងទៅវិញ ជាហេតុធ្វើឲ្យ​លោក ម៉ារ៉ា ប៊ុណ្ណា ក្លាយជាប្រធានបទក្ដៅ នៅក្នុងការជេរប្រទេស បាញ់ស្រោចពីទស្សនិកជន ខណៈដែលអ្នករស់នៅជុំវិញខ្លួន ក៏មិនបានគាំទ្រទង្វើនេះ។

​ជាង់ស្ដែងម្ចាស់ផលិតកម្ម Galaxy លោក ឡេង ណាវ៉ាត្រា ដែលជាទ្រនំដ៏កក់ក្ដៅ ធ្លាប់មានការងារដល់ជាមួយរូបលោក ក៏បានចេញមុខបដិសេធ និងមិនបានចូលរួមសហការធ្វើឲ្យមានកំហុស រហូតធ្វើឲ្យមានការរិះគន់នេះឡើយ។ ​លោក ឡេង ណាវ៉ាត្រា ម្ចាស់ផលិតកម្ម Galaxy បានធ្វើការបដិសេធទាំងស្រុង ដោយនិយាយថា លោកមិនជាប់ពាក់ព័ន្ធនោះទេ ពោលគឺលោក ហាក់បីដូចជាប្រកាន់ជំហរមួយថា រឿងរបស់ លោក ម៉ារ៉ា ប៊ុណ្ណា ទុកឲ្យគាត់ជាអ្នកដោះស្រាយ ហើយគ្មានអ្វីទាក់ទង​​ជាមួយ​ផលិតកម្ម Galaxy របស់លោកនោះទេ។ ​ប៉ុន្តែចំពោះរឿងការងារ នៅក្នុងផលិតកម្ម Galaxy គឺ លោក ម៉ារ៉ា ប៊ុណ្ណា នៅតែជាតារាចម្រៀង និងជាតួសំខាន់ដដែល។

​លោក ឡេង ណាវ៉ាត្រា និយាយថា «​លោកនៅតែមានគម្រោង​ចាប់ដៃគូរច្រៀង ជាមួយតារាចម្រៀង លោក ម៉ារ៉ា ប៊ុណ្ណាដដែល ដូចកាល​ដែលលោកធ្វើបទ "ឲ្យតែគិត ចេះតែចង់យំ" ជាមួយគ្នា ដែលបានចំណាយ​ទុនផលិតសាច់រឿង អស់ដល់ប្រមាណជិត១ម៉ឺនដុល្លារ។​ ការរិះគន់ចំពោះ លោក ម៉ារ៉ា ប៊ុណ្ណា មិនបានធ្វើឲ្យប៉ះពាល់បទ "អោយតែគិត ចេះតែចង់យំ" ដែលលោកបានច្រៀង និងសម្ដែងរួមគ្នាជាមួយ​លោក ម៉ារ៉ា ប៊ុណ្ណា នោះទេ។ បទ Original Song ដែលច្រៀងរួមគ្នារបស់លោក នៅតែមានអ្នកចាប់អារម្មណ៍ខ្លាំង​ដដែល»

លោកបានបន្ដទៀតថា «សន្ទុះនៃការគាំទ្រសាច់រឿងបទ ​អោយតែគិត ចេះតែចង់យំ​ នៅតែមាន​កម្រិតខ្លាំង បើទោះជាគូច​ម្រៀ​ងរបស់លោក នៅក្នុងបទនេះ ទទួលការរិះគន់​ក្រោយផលិតបទ ​តារាបែកស្លុយ២០១៧​ ក៏ដោយ»។

សូមបញ្ជាក់ថា តារាចម្រៀង លោក ម៉ារ៉ា ប៊ុណ្ណា ត្រូវបានគេមើលឃើញថា មួយរយៈចុងក្រោយនេះ កេរ្តិ៍ឈ្មោះរបស់លោក ហាក់មានសន្ទុះគាំទ្រខ្លាំងឡើងវិញ បន្ទាប់ពីលោកបានចាប់ដៃ ជាមួយផលិតកម្ម Galaxy សម្ដែងរឿង និងផលិតបទចម្រៀង Original Song ទោះបីជាក្នុងពេលនេះ ស្ថិតក្នុងដំណាក់កាល គេរិះគន់បទចម្រៀងថ្មី របស់លោកក៏ដោយ៕