(ភ្នំពេញ)៖ អតិថិជនឆ្នើមកម្រិត B របស់ស្រាបៀរកម្ពុជាចំនួន១៤០រូប នឹងធ្វើដំណើរកម្សាន្តនៅទីក្រុងតុក្យូ ទីក្រុងសាពូរ៉ូ និងកោះហុកកៃដូ នៃប្រទេសជប៉ុន រយៈពេលមួយសបា្តហ៍ ចាប់ពីថ្ងៃទី១២ រហូតដល់ ថ្ងៃទី១៨ ឆ្នាំ២០១៧ ខាងមុខនេះ។
លោក លាង ពៅ (ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស ដែលផលិតស្រាបៀរកម្ពុជា បានថ្លែងថា «យើងរៀបចំដំណើរកម្សាន្តនេះឡើង ក្នុងគោលបំណងថ្លែងអំណរគុណ និងលើកទឹកចិត្តដល់អតិថិជនឆ្នើមយើង ដែលបានព្យាយាមជួយជំរុញការលក់ស្រាបៀរកម្ពុជាក្នុងឆ្នាំ ២០១៧នេះ»។
លោក លាង ពៅ បានបន្តថា ក្នុងឆ្នាំ២០១៧ ក្រៅពីប្រទេសជប៉ុន ក្រុមហ៊ុន ខ្មែរ ប៊ែវើរីជីស ក៏នឹងនាំអតិថិជនឆ្នើមប្រចាំឆ្នាំទៅធ្វើដំណើរកំសាន្ត នៅប្រទេសថៃ និងអូស្រ្តាលី ដែលជាកម្មវិធីលើកទឹកចិត្តដល់អតិថជនក្រុមហ៊ុន ស្រាបៀរកម្ពុជាផងដែរ។
លោក លាង ពៅ បញ្ជាក់ផងដែរថា នេះជាឆ្នាំទីបីហើយ ដែលក្រុមហ៊ុន ខ្មែរ ប៊ែវើរីជីស នាំអតិថិជនឆ្នើមរបស់ខ្លួនទៅកម្សាន្តនៅបរទេស កន្លងមក ក្រុមហ៊ុនបាននាំអតិថិជនឆ្នើមទៅកម្សាន្តនៅប្រទេសថៃ ម៉ាឡេស៊ី ហុងកុង និងជប៉ុន៕
