(ភ្នំពេញ)៖ បន្ទាប់ពីឧកញ៉ា ម៉ុង ឬទ្ធី សមាជិកព្រឹទ្ធសភា និងជាសេដ្ឋីផ្នែកកសិកម្មនៅកម្ពុជា បានសម្តែងការរិះគន់រឿងមួយជុំវិញរឿងទប់ស្កាត់ ការនាំចូលជ្រូកពី ប្រទសជិតខាង នៅថ្ងៃនេះលោកឧកញ៉ា ម៉ុង ប្ញទ្ធី បានឆ្លើយតបវិញថា «រឿងនេះអាចកើតឡើងដោយសារតែកសិករអ្នកចិញ្ចឹមជ្រូកចេះតែត្អូញត្អែរប្រាប់មកខ្ញុំថា បើនៅតែអនុញ្ញាតិឱ្យនាំចូលជ្រូកខុសច្បាប់កាន់តែច្រើនឡើងៗ អីចឹងពួកគាត់ប្រាកដជាស្លាប់អស់ហើយ ខ្ញុំបានតបទៅវិញថា ចេះតែនិយាយថា ជ្រូកនាំចូលខុសច្បាប់បើក្រសួងកសិកម្មចេញច្បាប់អនុញ្ញាតិឲ្យវាមានអីខុសច្បាប់ទៀត»។
ទោះបីយ៉ាងណានៅថ្ងៃទី០៤ ខែកក្កដា ឆ្នាំ២០១៧ លោកឧកញ៉ា ម៉ុង ប្ញទ្ធី ហាក់បន្ថយភាពតានតឹងបន្តិចចំពោះបញ្ហានេះ ដោយលោកបានប្រាប់បណ្តាញព័ត៌មាន Fresh News ឲ្យដឹងយ៉ាងដូច្នេះថា «ខ្ញុំមិនដឹងថាអ្នកសារព័ត៌មានបានសំដីខ្ញុំពីណាមកមកទេថា ខ្ញុំរិះគន់លើឯកឧត្ដមរដ្ឋមន្ត្រីក្រសួងកសិកម្ម បើខ្ញុំមិនដែលបានសម្ភាសន៍ផងនោះ ។ រឿងនេះអាចកើតឡើងដោយសារតែកសិករអ្នកចិញ្ចឹមជ្រូកចេះតែត្អូញត្អែរប្រាប់មកខ្ញុំថា បើនៅតែអនុញ្ញាតិឱ្យនាំចូលជ្រូកខុសច្បាប់កាន់តែច្រើនឡើងៗ អីចឹងពួកគាត់ប្រាកដជាស្លាប់អស់ហើយ ខ្ញុំបានតបទៅវិញថា ចេះតែនិយាយថា ជ្រូកនាំចូលខុសច្បាប់បើក្រសួងកសិកម្មចេញច្បាប់អនុញ្ញាតិឲ្យវាមានអីខុសច្បាប់ទៀត។ គាត់បន្តទៀតថា ហើយចេះតែសន្យាចាំពិនិត្យសិក្សាសិន ខ្ញុំឆ្លើយថា បើថែមពាក្យមួយឃ្លាទៀតថា រហូតដល់ដួលរលំអស់សិន។ រឿងនេះអត់មានពាក់ព័ន្ធអី ទៅនឹងឯកឧត្ដមរដ្ឋមន្ត្រីចុះទៅប៉ៃលិនទេ ហើយក៏មិនមានហេតុផលណាមួយដែលរះគន់គាត់នោះទេ»។
សូមជំរាបថា ការនាំចូលជ្រូកពីប្រទេសជិតខាង នៅតែបន្តជាបញ្ហាប្រឈមដល់កសិករ និងអ្នកចិញ្ចឹមជ្រូករបស់កម្ពុជា ដោយមិនអាចប្រកួតប្រជែងនឹងជ្រូក នាំចូលបាន ព្រោះជ្រូកនាំចូលមានតម្លៃថោកជាង ជ្រូកដែលចឹញ្ចឹមក្នុងស្រុក។ សូមបញ្ជាក់ថា ដើម្បីធានាស្ថិរភាពថ្លៃ និងតម្រូវការផ្គត់ផ្គង់ជ្រូកសាច់ក្នុងទូទាំងប្រទេស ក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឲ្យដឹកជញ្ជូនជ្រូកសាច់រស់នាំចូលជាមធ្យមប្រមាណ១២៥០ក្បាលក្នុងមួយថ្ងៃ»៕
