(ភ្នំពេញ)៖ ក្រុមហ៊ុន Havas Riverorchid ដែលជាបណ្តាញភ្នាក់ងារដ៏ធំនៅតំបន់ឥណ្ឌូចិន នៅល្ងាចថ្ងៃទី២៩ ខែមិថុនា ឆ្នាំ២០១៧ បានបើកសម្ភោធដាក់ឲ្យដំណើរការជាផ្លូវការ នូវឌីជីថល និងប្រព័ន្ធផ្សព្វផ្សាយសង្គមជាសាកល ម៉ាក Socialyse នៅក្នុងប្រទេសកម្ពុជា។

Socialyse ផ្ដល់នូវផលិតផលយ៉ាងច្រើន និងមានគុណភាពខ្ពស់តាមរយៈបណ្តាញសង្គម ការលេងហ្គេមសង្គម កម្មវិធីផ្សេងៗ និងវីដេអូ រួមបញ្ចូលដោយឧបករណ៍ INTEREST OPTIMIZATION និងដំណោះស្រាយបែប Cross-channel Re-marketing ទំនើបឈានមុខគេតាមរយៈ Advanced Pixel Targeting ដើម្បីបង្កើនប្រាក់ចំណេញ ពីការវិនិយោគនាពេលអនាគត (ROI) និងធ្វើឲ្យទិន្នន័យកាន់តែមានគុណភាពដោយផ្អែកលើ Customized Shortened ទិន្នន័យនៃសកម្មភាពក្រៅបណ្តាញ និងដំណោះស្រាយ Real-time Optimization។ លទ្ធផលយុទ្ធន្នាការអាចគណនាបានជានិច្ចជាមួយ Dashboards ដើម្បីបង្ហាញពីសមិទ្ធិផលតាមរយៈ KPIs និងគោលដៅអាជីវកម្ម។

លោក Anthony Keck អគ្គនាយកក្រុមហ៊ុន Havas Riverorchid Group  ប្រចាំកម្ពុជា បានថ្លែងថា «ជាមួយការចាប់ផ្តើមដំណើរការ​នៃ Socialyse ដែលជាផ្នែកជំនួញផ្តល់​ជូនលើប្រព័ន្ធផ្សព្វផ្សាយ ឌីជីថល និងសង្គម ក្រុមហ៊ុន Havas បានបង្ហាញគំរូ ឌីជីថល និងសង្គម ដ៏មានភាពទាន់សម័យនៅសតវត្សទី២១ មកកាន់ទីផ្សារកម្ពុជា។ ជាមួយការយកចិត្តទុកដាក់ខ្លាំងលើអ្វីដែលប្រព័ន្ធផ្សព្វផ្សាយសង្គម ត្រូវការជាចំាបាច់នាពេលបច្ចុប្បន្ននេះ»។

លោក Anthony Keck បានឲ្យដឹងថា Socialyse ត្រូវបានផ្ដល់ផ្ដួចផ្ដើមដំបូងនៅប្រទេសបារាំង​​ ហើយតាំងតែពីការចាប់ផ្ដើម ដំណើរការមកទទួលបានជោគជ័យ យ៉ាងឆាប់រហ័សឈានទៅជាក្រុមហ៊ុន ដ៏ល្អបំផុតមួយក្នុងពិភពលោក ដែលបានផ្សាព្វផ្សាយផ្សារភ្ជាប់ ម៉ាកយីហោផលិតផលឲ្យនៅស្និទ្ធជាមួយនឹងមនុស្ស តាមរយៈការប្រើគំនិតច្នៃប្រឌិត ប្រព័ន្ធផ្សព្វផ្សាយ និងបច្ចេកវិជ្ជា។

សូមជម្រាបថា ក្រុមហ៊ុន Havas Riverorchid ជាបណ្តាញភ្នាក់ងារឈានមុខគេនៅតំបន់ឥណ្ឌូចិន ដោយមានការិយាល័យ​នៅប្រទេសកម្ពុជា ឡាវ មីយ៉ាន់ម៉ា ថៃ និងវៀតណាមជាមួយបុគ្គលិក បម្រើការងារជាង៣០០នាក់។ ក្រុមហ៊ុននេះបង្កើតឡើងក្នុងឆ្នាំ ១៨៣៥ នៅទីក្រុងប៉ារីសដែលមានបុគ្គលិកជាង ២០,០០០ នាក់នៅក្នុងបណ្តាលប្រទេសជាង១០០៕