(ភ្នំពេញ)៖ នៅវេលាម៉ោង៨៖០០ព្រឹក ថ្ងៃទី២០ ខែមិថុនា ឆ្នាំ២០១៧នេះ រដ្ឋសភា បានចាប់ផ្តើមបើកសម័យប្រជុំរដ្ឋសភាលើកទី៨ នីតិកាលទី៥ ដើម្បីធ្វើការពិភាក្សា និងអនុម័តសេចក្ដីស្នើច្បាប់ ស្ដីពីការបោះឆ្នោតជ្រើសតាំង សមាជិកព្រឹទ្ធសភា។
កិច្ចប្រជុំរដ្ឋសភា នៅព្រឹកនេះ ត្រូវបានធ្វើឡើងនៅវិមានរដ្ឋសភា ក្រោមអធិបតីភាព សម្ដេចអគ្គមហាពញាចក្រី ហេង សំរិន ប្រធានរដ្ឋសភា ដោយមានការចូលរួមពីសមាជិករដ្ឋសភា មកពីគណបក្សប្រជាជនកម្ពុជា និងគណបក្សសង្រ្គោះជាតិ។
សូមបញ្ជាក់ថា វិសោធកម្មច្បាប់នេះ ត្រូវបានរៀបចំឡើង ដើម្បីបន្ថែមកៅអី ១អសនៈទៀត នៅក្នុងស្ថាប័នព្រឹទ្ធសភា ដែលអាចនឹងធ្វើឱ្យសមាជិកព្រឹទ្ធសភា កើនឡើងដល់ចំនួន៦២រូប នាពេលខាងមុខ។ ក្រៅពីនោះ ក៏មានការកែប្រែនូវប្រកាមួយចំនួនទៀត ពាក់ព័ន្ធនឹង យុទ្ធនាការឃោសនា និងអង្គបោះឆ្នោតជាដើម៕
