(សៀមរាប)៖ នាពេលបច្ចុប្បន្ននេះយើងឃើញថា វិស័យបដិសណ្ឋារកិច្ច (សណ្ឋាគារ) កំពុងតែកើនឡើងយ៉ាងខ្លាំងខ្លា ក្នុងប្រទេសកម្ពុជា ដោយមើលឃើញនូវការរីកចំរើន និងតម្រូវការផ្គត់ផ្គង់ខាងផ្នែកវិស័យខាងលើ ដូចនេះ ក្រុមហ៊ុន Campura Triangulum Corporation បានសហការជាមួយក្រុមហ៊ុន XPossible Technologies ដែលជាក្រុមហ៊ុន ល្បីល្បាញ ខាងផ្នែកបច្ចេកវិទ្យាសម្រាប់ ផ្គត់ផ្គង់វិស័យបដិសណ្ឋារកិច្ច (សណ្ឋាគារ) លើប្រព័ន្ធ អ៊ីនធឺណេត បានរៀបចំសិក្ខាសាលាមួយស្តីពីអំពី XPOSSIBLE HOSPITALITY SOLUTIONS ដែលធ្វើឡើងនាពេលព្រឹកថ្ងៃទី ០៩ ខែ មិថុនា ឆ្នាំ ២០១៧ នៅសណ្ឋាគារ Le Méridien Angkor Hotel ក្នុងខេត្តសៀមរាប ដោយមានអតិថិជនជាច្រើន មកពីបណ្តា ស្ថាប័នសណ្ឋាគារ ចូលរួមសិក្ខាសាលានេះដើម្បីទទួលចំណេះដឹង និងព័ត៌មានថ្មីៗ។
លោក ឈីវ ស៍ក្តដា ដែលជា Head Of Business Applications Division តំណាងក្រុមហ៊ុន Campura បានថ្លែងអំណរគុណទៅដល់អតិថិជន ដែលចូលរួមសិក្ខាសាលានាពេលព្រឹកនេះ ហើយលោកបានឲ្យដឹងថា គោលបំណងនៃសិក្ខាសាលាថ្ងៃនេះ គឺចង់ឱ្យអតិថិជនបានស្គាល់នូវសេវាកម្មរបស់ក្រុមហ៊ុន XPossible Technologies ដែលបានចាប់ផ្តើមការអភិវឌ្ឍនៃ XPossible អ៊ីនធឺណេត និងគ្រប់គ្រងភ្ជាប់ប្រព័ន្ធ អ៊ីនធឺណេត ចាប់តាំងពីឆ្នាំ ២០០២ រហូតដល់ថ្ងៃនេះយើងឃើញមានអតិថិជន ខាងវិស័យ បដិសណ្ឋារកិច្ច (សណ្ឋាគារ) ជាង ៤០០ ស្ថាប័នបានប្រើប្រាស់សេវាកម្មនេះ ក្នុងដំណោះស្រាយរបស់ខ្លួនដែលកំពុងតែមានតម្រូវការប្រព័ន្ធអ៊ីនធឺណេតច្រើនបំផុត។
ដើម្បីឲ្យកាន់តែស្គាល់ច្បាស់អំពីសេវាកម្ម និងផលិតផលរបស់ក្រុមហ៊ុន XPossible Technologies លោក Vincent Koh ដែលជា Managing Director បានបង្ហាញបន្ថែមជូនអតិថិជន ថាជាក្រុមហ៊ុន XPossible Technologies បានផ្ដល់នូវសេវាកម្មដូចជា៖ XPossible Connect Internet & Billing Management Gateway, XPossible Cloud Digital Signage and XPossible Hotel IPTV System។ បន្ទាប់ពីការប្រើប្រាស់ផលិតផល XPossible សណ្ឋាគារ និងទទួលបានអត្ថប្រយោជន៍នូវការពេញចិត្តរបស់អតិថិជនដែលបានស្នាក់នៅ និងទទួលបានទីផ្សារបន្ថែមទៀតផងដែរ។
ហើយលោក Vincent Koh ក៏បានគូសបញ្ជាក់ទៀតអំពីសារៈសំខាន់ថា ក្រុមហ៊ុន XPossible Technologies តែងតែយកចិត្តទុកដាក់ខ្ពស់ ក្នុងការអនុវត្តនូវទស្សនៈ និងបេសកកម្ម ដូចជា៖
*អភិវឌ្ឍបច្ចេកវិទ្យានេះធ្វើឱ្យមានដំណើរការល្អនៃប្រព័ន្ធភ្ជាប់អ៊ិនធឺណេតដើម្បីឱ្យមានបានភាពងាយស្រួល សម្រាប់អ្នកប្រើបា្រស់ និងគ្រប់ទីកន្លែង។
*ចែករំលែកបទពិសោធន៍ XPossible ដល់អតិថិជនដើម្បីអនុញ្ញាតឱ្យពួកគេដើម្បីបានបង្កើនប្រាក់ចំណេញ និងផលប្រយោជន៍ពីការវិនិយោគ។
*ប្រើ Open Source Platform ដែលមានសក្តានុពល ដើម្បីបង្កើតឡើងនូវផលិតផលមួយដែលមានតំលៃសមរម្យ ប៉ុន្តែផ្តល់នូវប្រសិទ្ធិភាពខ្ពស់៕
