(ភ្នំពេញ)៖ ខ្សែភាពយន្ត Wonder Woman 3D DOBLY ATMOS នឹងចាក់បញ្ចាំងរោងភាពយន្ត Prime Cineplex ជាន់ទី៤ ផ្សារទំនើបសុវណ្ណា នៅទី០២ ខែមិថុនា ឆ្នាំ២០១៧ ស្អែកនេះ។

គោលបំណងក្នុងការបញ្ចាំងខ្សែភាពយន្តរឿង Wonder Woman 3D DOBLY ATMOS នេះគឹដើម្បីផ្តល់ឱកាសបងប្អូនប្រជាពលរដ្ឋទាំងអស់បានសាងល្បងបច្ទេកវិទ្យាថ្មីដ៏ប្លែក និង អស្ចារ្យ ដល់ទស្សនិកជនទាំងអស់ជាមួយហ្នឹងសម្លេងច្បាស់ៗ ប្រៀបដូចទស្សនិកជនកំពុងស្ថិតនៅក្នុងខ្សែភាពយន្ត។ DOLBY ATMOS គឺជា 3D surround sound system ដំបូងគេបង្អស់ នៅក្នុងប្រទេសកម្ពុជា បច្ទេកវិទ្យាថ្មីមួយនេះ នឹងនាំមកនូវបទពិសោធន៍ថ្មី និងអស្ចារ្យដល់ទស្សនិកជនទាំងអស់ ជាមួយនិងរោងភាពយន្តបែបទំនើប ដែលមានប្រភពមកពីប្រទេសកូរ៉េនេះ។

រឿង Wonder Woman ប្រភេទ 3D Atmos  នេះនិយាយអំពី ជីវិតព្រះនាងឌាយអាណា។ មុនពេលទ្រង់ក្លាយជាអច្ឆរិយៈ ទ្រង់ជាព្រះនាងឌាយអាណា អាណាចក្រ អាម៉ាស្សូន ទទួលការបណ្តុះបណ្តាលដើម្បីក្លាយជាអ្នកចម្បាំង ដ៏ស្វិតស្វាញ។ ទ្រង់មានដើមកំណើតនៅសួនមនោរម្យ កោះសួគ៌ា ពេលដែលអ្នកបើកយន្តហោះ ជនជាតិអាមេរិកម្នាក់ ធ្លាក់យានលើច្រាំងសមុទ្រទ្រង់ បានប្រាប់ពីជម្លោះធំមួយកំពុងកើតឡើងនៅលើពិភពលោក ព្រះនាងដាយអាណាបានចាកចេញពីស្រុកកំណើតជឿថាទ្រង់អាចបញ្ឈប់ការគម្រាមកំហែងនេះបាន។ ការប្រយុទ្ធគ្នាក្នុងសង្គ្រាមរួមជាមួយបុរសម្នាក់ ដើម្បីបញ្ចប់សង្គ្រាមទាំងអស់ ព្រះនាងដាយអាណា នឹងរកឃើញអំណាចពេញលេញ និងវាសនាពិតរបស់ទ្រង់។

 គួរបញ្ជាក់ផងដែរថា រោងភាពយន្ត Prime Cineplex គឺជារោងភាពយន្តដ៏ទំនើបមានប្រភពមកពីប្រទេសកូរ៉េ របស់ក្រុមហ៊ុន Eugenetek Corporation Group ដែលមានបទពិសោធន៍ជាយូរឆ្នាំមកហើយក្នុងការផ្គត់ផ្គង់សម្ភារៈរោងភាពយន្ត និង ពិគ្រោះប្រឹក្សាជំនាញផ្នែករោងភាពយន្តតាំងពីឆ្នាំ ១៩៨៦មកម្ល៉េះ។ Eugenetek Corporation Group ក៏ជាក្រុមហ៊ុនមួយ ដែលគ្រប់គ្រងរោងភាពយន្តល្បីៗចំនួន ៣ ដែលមានចំនួន ១១ ទីតាំង និង ៧១ Screens នៅក្នុងប្រទេសកូរ៉េ ហើយទីតាំងដំបូងគេនៅប្រទេសកម្ពុជា មានចំនួន ៥ Screens ផងដែរ៕