(ព្រះសីហនុ)៖ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ បានឃាត់ខ្លួនជនសង្ស័យម្នាក់ ជាមេចែកចាយគ្រឿងញៀន ដោយដកហូតបានថ្នាំញៀនចំនួន៤៥កញ្ចប់ ក្នុងនោះរួមមាន កញ្ចប់តូចចំនួន៤១កញ្ចប់ និងកញ្ចប់ធំចំនួន៤កញ្ចប់។
ប្រតិបត្តិការឃាត់ខ្លួនជនសង្ស័យ ដែលជាប់ពាក់ព័ន្ធនឹងករណីគ្រឿងញៀនខាងលើនេះ បានធ្វើឡើងនាព្រឹកថ្ងៃទី០១ ខែមិថុនា ឆ្នាំ២០១៧នេះ នៅត្រង់ចំណុចភូមិ១ ក្រុម៧ សង្កាត់១ ខេត្តព្រះសីហនុ។
លោកវរសេនីយ៍ត្រី សួស សីលា នាយការិយាល័យប្រឆាំងគ្រឿងញៀន ខេត្តព្រះសីហនុ បានបញ្ជាក់ថា ក្រោមការបញ្ជាផ្ទាល់ពីសំណាក់ ស្នងការនគរបាលខេត្ត លោកឧត្តមសេនីយ៍ទោ ជួន ណារិន្ទ កម្លាំងនគរបាលបានធ្វើការស្រាវជ្រាវ រហូតតាមចាប់បានជនសង្ស័យរូបនេះតែម្តង។
បច្ចុប្បន្ន ជនសង្ស័យរួមទាំងវត្ថុតាងខាងលើ ត្រូវបានកម្លាំងនគរបាលជំនាញ កំពុងកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធី៕
