(ភ្នំពេញ)៖ ភាពយន្តបែបប្រវត្តិសាស្រ្ត របស់ប្រទេសកម្ពុជា ដែលជាស្នាដៃភាពយន្តថ្មី ដឹកនាំសម្ដែងដោយលោក ម៉ៅ អាយុទ្ធ មានចំណងជើងថា «ហ្លួងព្រះស្ដេចកន» បានចេញជាវីដេអូ Trailer ហើយនៅថ្ងៃនេះ ខណៈដែលវីដេអូ បង្ហាញពីឈុតខ្លីៗនេះ ទទួលបានការចាប់អារម្មណ៍យ៉ាងខ្លាំង ពីសំណាក់មហាជន ព្រោះតែឈុតឆាកនីមួយៗ ពិតជាល្អគ្មានគូប្រៀប។
វីដេអូ Trailer រឿង«ហ្លួងព្រះស្ដេចកន!» មានរយៈពេលជិត៣នាទី ហើយពិតជាមានភាពទាក់ទាញមិនធម្មតា ដោយបានបង្ហាញពីការធ្វើសឹកសង្គ្រាម ស្នេហា តស៊ូ វណ្ណៈ និង ភាពរីកចម្រើននាសម័យ ហ្លូងព្រះស្ដេចកន។ រឿងនេះ នឹងចាក់បញ្ចាំងជូនទស្សនា នៅលើកញ្ចក់ទូរទស្សន៍ PNN ក្នុងពេលឆាប់ៗនេះ។
ភាពយន្តឆ្លុះបញ្ចាំងពីប្រវត្តិសាស្ត្រ រឿង «ហ្លួងព្រះស្ដេចកន!» មានការចូលរួមសម្ដែង ដោយតារាល្បីៗ ក្នុងប្រទេសកម្ពុជា ដូចជា ទេព រិនដារ៉ូ, ហេង ប៊ុនលាភ, ឆុំ វត្តី, ទ្រង់ ស៊ីសុវត្ថិ សិរីវុឌ្ឍ, លោក ហ៊ឹម សុភី, លោក រស់ សោភ័ណ្ឌ កញ្ញា ស៊ិន សក្កដា ព្រមទាំងតារាល្បីៗជាច្រើនដួងទៀត។
សូមទស្សនាវីដេអូ Trailer រឿង «ហ្លូងព្រះស្ដេចកន» តើមានឈុតឆាក រស់រវើកយ៉ាងណាខ្លះ?
