(ភ្នំពេញ)៖ នៅក្នុងរដូវកាលយោសនារកសម្លេងឆ្នោត ដើម្បីឈានទៅដល់ការបោះឆ្នោតឃុំ-សង្កាត់ខាងមុខនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា នៅយប់ថ្ងៃទី២៩ ខែឧសភា ឆ្នាំ២០១៧នេះបានផ្លាស់ប្តូររូបផ្ទាំង (Banner) ពីរូបវិមានសន្តិភាព មកជារូបគណបក្ស ប្រជាជនកម្ពុជា ហើយសម្តេចបានបញ្ជាក់ថា នេះជា Facebook ផ្លូវការរបស់សម្តេចតែមួយគត់។

សម្តេចតេជោ ហ៊ុន សែន បានសរសេររៀបរាប់យ៉ាងដូច្នេះថា៖ «ជនរួមជាតិ សមាជិក សមាជិការ គណបក្សប្រជាជនកម្ពុជាទាំងអស់ជាទីស្រឡាញ់!​​ មុននេះបន្តិច ខ្ញុំបានដូររូបផ្ទាំង (Banner) ខាងក្រោយពីរូបវិមានសន្តិភាព មកជារូបគណបក្សប្រជាជន កម្ពុជា។ នេះជា Facebook ផ្លូវការរបស់ខ្ញុំតែមួយគត់។

សូមបងប្អូនទៅបោះឆ្នោតអោយបេក្ខជនក្រុមប្រឹក្សាឃុំ សង្កាត់របស់គណបក្សប្រជាជនអោយបាន គ្រប់ៗគ្នា នៅថ្ងៃទី ៤ ខែ មិថុនា ខាងមុខនេះ។ ទន្ទឹមនឹងនេះ គឺសូមបងប្អូនប្រជាពលរដ្ឋពិនិត្យផ្ទៀងផ្ទាត់ សក្តានុពលនៃបេក្ខជនគណបក្សប្រជាជន និងគណបក្សដទៃអោយបានហ្មត់ចត់បំផុត។ ព្រោះគណបក្ស ប្រជាជនគឺនាំមកនូវសុខសន្តិភាព និងការអភិវឌ្ឍរីកចម្រើនដល់ប្រទេសជាតិទាំងមូល»៕