(ភ្នំពេញ)៖ ក្រុមហ៊ុន INADA (ជប៉ុន) និងក្រុមហ៊ុន GROTO (កម្ពុជា) បានរៀបចំពិធីចុះហត្ថលេខា លើការផ្ដល់សិទ្ធិចែកចាយផ្ដាច់មុខផលិតផលអាគុយម៉ាក INADA នៅសណ្ឋាគារ Himawari រាជធានីភ្នំពេញ នៅល្ងាចថ្ងៃទី២៤ ខែឧសភា ឆ្នាំ២០១៧ ដោយមានការចូលរួម ពីសំណាក់ភ្ញៀវកិត្តិយស តំណាងស្ថានទូតជប៉ុន និងម្ចាស់អាជីវកម្មពាក់ព័ន្ធជាច្រើន។
ថ្លែងទៅកាន់ពិធីនោះលោក SATORU INADA ប្រធានក្រុមហ៊ុន INADA INC.បានឱ្យដឹងថា ក្រុមហ៊ុន INADA INC.ជាក្រុមហ៊ុនមួយរបស់ជប៉ុន ដែលមានអាយុកាល១០០ឆ្នាំគត់ គិតត្រឹមឆ្នាំ២០១៧នេះ។ ក្រុមហ៊ុននេះ មានបទពិសោធន៍ជំនាញក្នុងការផលិតអាគុយ និងផលិតផលមួយចំនួនទៀត ជាយូរឆ្នាំមកហើយ។ លោកបានបន្ថែមថា ក្នុងពេលដែលការរស់នៅរបស់ប្រជាជនកម្ពុជាកាន់តែទំនើប គុណភាពផលិតផលខ្ពស់ និងសេវាកម្មល្អ គឺជាចំណុចសំខាន់។
លោក ប្រាក់ ទេពវិចិត្រ អគ្គនាយកក្រុមហ៊ុន GROTO បានថ្លែងថា តាមរយៈភាពដៃគូនេះ ក្រុមហ៊ុន GROTO នឹងនាំចូលទីផ្សារកម្ពុជានូវអាគុយដែលមានគុណភាពខ្ពស់របស់ប្រទេសជប៉ុន សម្រាប់ចែកចាយជូនដល់អតិថិជន ដែលនិយមចូលចិត្តផលិតផលជប៉ុន។ ជាងនេះទៅទៀតការអនុវត្ដនូវយុទ្ធសាស្រ្ដចែកចាយថ្មី តាមរយៈការពិនិត្យសុខភាពអាគុយ នៅតាមបណ្ដាស្ថានីយប្រេង មានការធានាគុណភាពក្នុងរយៈពេលវែងរហូតដល់៩ខែ បូករួមជាមួយការមានឧបករណ៍ វាស់សុខភាពអាគុយទំនើប ក្រុមហ៊ុនរបស់លោក នឹងទទួលបានទំនុកចិត្តពីអ្នកប្រើប្រាស់។
គួរបញ្ជាក់ផងដែរថា អាគុយម៉ាក INADA ត្រូវបានផលិត និងចែកចាយនៅតាមបណ្ដាប្រទេសជាច្រើនដូចជា៖ ប្រទេសជប៉ុន ហ្វីលីពីន បង់ក្លាដេស និងបណ្ដាប្រទេសមួយចំនួនក្នុងទ្វីបអ៊ឺរ៉ុប។ អាគុយម៉ាក INADA ទទួលបានការពេញនិយមជាខ្លាំងនៅប្រទេសជប៉ុន។
អគ្គនាយកក្រុមហ៊ុន GROTO បានបន្តថា គោលបំណងនៃព្រឹត្តការណ៍នេះ ដើម្បីឲ្យអ្នកសាធារណៈជនបានដឹងអំពីភាពជា ដៃគូររវាងក្រុមហ៊ុន អ៊ីណាដាក់ និងក្រុមហ៊ុនក្រូតូ ដែលបានចូលមកទីផ្សារកម្ពុជាជាផ្លូវការ។ អតិថិជនដែលចង់ជីវអាគុយម៉ាក INADA អាចទំនាក់ទំនងក្រុមហ៊ុន ដែលមាន៖ Address: 27, Street 313, Beoung Kak II, Toul Kork, Phnom Penh, Phone: 015/017-738175,
E-mail: [email protected]
