(ក្រចេះ)៖ នាយឧត្តមសេនីយ៍ ចៅ ផល្លី អនុរដ្ឋលេខាធិការ ក្រសួងការពារជាតិ និងជាសមាជិកគណៈកម្មាធិការកណ្តាលគណបក្ស ប្រជាជនកម្ពុជាអនុរដ្ឋលេខាធិការ ក្រសួងការពារជាតិ និងជាសមាជិកគណៈកម្មាធិការកណ្តាល គណបក្សប្រជាជនកម្ពុជាចុះជួយ ក្រុងក្រចេះ បានប្រគល់ផ្លូវក្នុងភូមិមួយខ្សែជូនពលរដ្ឋ ស្ថិតក្នុងភូមិកាប៉ូ សង្កាត់អូរឬស្សី ក្រុងក្រចេះ ដែលផ្លូវនេះធ្វើឲ្យប្រជាពលរដ្ឋ លំបាកជាង៨ឆ្នាំមកហើយ ដោយមិនមានអ្នកជួយដោះស្រាយជូនពួកគាត់នោះទេ។
ដោយឡែកនៅថ្ងៃទី១៩ ខែឧសភា ឆ្នាំ២០១៧នេះ នាយឧត្តមសេនីយ៍ ចៅ ផល្លី បានប្រកាសដាក់ឲ្យប្រើប្រាស់ជាផ្លូវការ ក្រោមការ សាទរយ៉ាងខ្លាំងពីប្រជាពលរដ្ឋ ព្រោះថាផ្លូវនេះពិតជាសម្រួលដល់ពួកគាត់ខ្លាំងណាស់។
បើតាមនាយឧត្តមសេនីយ៍ ផ្លូវលំមួយខ្សែនេះ ប្រជាពលរដ្ឋមូលដ្ឋានបានត្អូញត្អែរថា ពូកគាត់មានការលំបាកជាង៨ឆ្នាំមកហើយ មិនដែលមានអ្នកណាអាចជួយដោះស្រាយបាននោះទេ ហេតុដូច្នេះហើយទើបពលរដ្ឋ និងព្រះសង្ឃស្នើសុំមកឲ្យនាយឧត្តមសេនីយ៍ជួយដោះស្រាយ ក្រោយមកលោកបានចាត់ឲ្យក្រុមការងារចុះត្រួតពិនិត្យ និងស្ថាបនាឡើងវិញជូនតែម្ដង ដើម្បីឲ្យស្របតាមគោលនយោបាយរបស់ រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន៕
