(ភ្នំពេញ)៖ រថយន្ត BMW 5 ស៊េរីដ៏ថ្មីស្រឡាង​ ជាមួយនឹងការច្នៃប្រឌិតដ៏អស្ចារ្យ ទាំងសក្ដានុពលក្នុងការបើកបរ និងបច្ចេកវិទ្យា​​នៃផ្នែកខាងក្នុង រថយន្ត BMW 5 ស៊េរីថ្មី បានមកដល់​ប្រទេសកម្ពុជាហើយ ដោយនាំចូលផ្ដាច់មុខ ដោយក្រុមហ៊ុន Premium Auto Imports Co., Ltd និងបានធ្វើពិធីបើកសម្ពោធ ជាផ្លុវការនៅថ្ងៃទី១៨ ខែឧសភា ឆ្នាំ២០១៧នេះ នៅក្នុងផ្សារទំនើប Aeon Mall។

លោក Peter Brongers ​នាយកប្រតិ្តបត្តិ នៃក្រុមហ៊ុន Premium Auto Imports Co., Ltd បានថ្លែងឲ្យដឹងថា ក្រុមហ៊ុន ព្រីមៀម អូតូ អ៊ីមផត គឺជាក្រុមហ៊ុននាំចូល ចែកចាយរថយន្ត និងគ្រឿងបន្លាស់ម៉ាក BMW និង MINI ផ្តាច់មុខក្នុងប្រទេសកម្ពុជា។ ចាប់តាំងពីការបង្កើត​ឡើង​ នៅក្នុងឆ្នាំ ២០១៣ ក្រុមហ៊ុន BMW បានរក្សាតំណែង​​ជា​អ្នកនាំចូល និងចែកចាយម៉ាក​​រថយន្ត​ប្រណិត លំដាប់ថ្នាក់លេខ១នៅប្រទេសកម្ពុជា។

«ថ្ងៃនេះ​ យើងនៅទីនេះ​ សម្រាប់ការសម្ពោធជាផ្លូវការ​​របស់ រថយន្ត BMW 5 ស៊េរីថ្មីនេះ។ ចាប់តាំងពីការចាប់ផ្តើម នៃការផលិតរបស់ខ្លួននៅក្នុងឆ្នាំ ១៩៧២ រថយន្ត BMW​5 ស៊េរី ចំនួន ៨លានគ្រឿងត្រូវបានលក់។ វាបានក្លាយជារថយន្ត ដែលមានចំណាត់ថ្នាក់ខ្ពស់ នៅទូទាំងពិភពលោក លើការរចនា សក្ដានុពល និងប្រសិទ្ធភាពនៃការបើកបរ ជាមួយកម្រិត​នៃការកែច្នៃថ្មីល្អបំផុត។ នៅក្នុងចំណាត់ថ្នាក់នេះ រថយន្ត BMW 5 ស៊េរីនៅតែបន្តជារថយន្តលក់ដាច់បំផុត និងទទួលបានពានរង្វាន់ជាច្រើនបន្តបន្ទាប់គ្នា»។ នេះបើយោងតាម លោក Peter Brongers បញ្ជាក់បន្ថែម។

នាយកប្រតិ្តបត្តិរូបនេះ បានបន្តទៀតថា នៅថ្ងៃនេះ យើងសូមណែនាំនូវរថយន្ត BMW 5 ស៊េរីដ៏ថ្មីស្រឡាង​​ ជាមួយនឹងការច្នៃប្រឌិតដ៏អស្ចារ្យ ទាំងសក្ដានុពលក្នុងការបើកបរ និងបច្ចេកវិទ្យា​នៃផ្នែកខាងក្នុង រថយន្ត BMW 5 ស៊េរីថ្មីបានកំណត់គោលការណ៍ បច្ចេកវិទ្យាសម្រាប់ឲ្យរថយន្តផ្សេងទៀត​អនុវត្តតាម។ កាន់តែពិសេសជាងនេះទៅទៀត លក្ខណៈពិសេសដ៏អស្ចារ្យបំផុត ​របស់រថយន្តនេះ គឺ​ប្រព័ន្ធជំនួយក្នុងការបើកបរដ៏ឆ្លាតវៃ និងប្រព័ន្ធប្រតិបត្តិការថ្មី​ ដែលមានការច្នៃប្រឌិតខ្ពស់បំផុត ។ ការរចនា និងការធ្វើបទបង្ហាញ​ របស់រថយន្ត BMW 5 ស៊េរីថ្មី បានធ្វើឲ្យយើងមានអារម្មណ៍កាន់តែរំភើប ជាមួយនឹងគំរូរថយន្តស៊ីដាន់បែបជំនួញ ដែលជាជម្រើសរថយន្តសម្រាប់យុវវ័យ និងអ្នកជំនួញ​ដ៏ជោគជ័យ​ ផងដែរ។

លោកបានសង្កត់ធ្ងន់ថា លក្ខណៈបើកបរបែបប្រណីត និងប្រព័ន្ធឌីណាម៉ិច គ្មានគូប្រៀបត្រូវធ្វើឡើង​ យ៉ាងពិសេសដោយ គំនិតនៃការរចនាឲ្យទម្ងន់ស្រាល ជាមួយនឹងការប្រើប្រាស់បន្ថែម នូវជាតិអាលុយមីញ៉ូម និងដែកដ៏រឹងមាំ ដូច្នេះហើយវាបានកាត់បន្ថយ​ ទម្ងន់នៃរថយន្ត៥​ស៊េរីនេះ ជាង១០០គីឡូក្រាម ខុសពីស៊េរីមុន។ ការរចនាថ្មីនៃតួសាក់ស៊ី កំលាំងទំនាញទាប គឺជាចំណុចពិសេស របស់រថយន្ត BMW 5 ស៊េរី ក្នុងការបែងចែកទម្ងន់ និងរូបរាងដ៏សែនស្រាល​ដែលផ្តល់នូវលំនឹង និងបត់បែនបានជាពិសេស រួមគ្នានឹងបទពិសោធន៍ នៃការបើកបរដ៏អស្ចារ្យ ដែលនាំមកនូវផាសុកភាព ទោះបីជាបើកបរក្នុងចម្ងាយឆ្ងាយ យ៉ាងណាក៏ដោយ។ មុខងារតួសាក់ស៊ីផ្សេងៗ ទៀតដូចជា Integral Active Steering បានសហការជាមួយនឹង​ មុខងារបើកបរវៃឆ្លាត xDrive ហើយបន្ថែមនូវភាពប៉ិនប្រសព្វ ទៅនឹងការរចនាកញ្ចប់មុខងារ​ ឌីណាម៉ិច ដើម្បីធានាថា រថយន្ត BMW 5 ស៊េរីដ៏ថ្មីស្រឡាងនេះ នៅតែអាចឈរនៅលំដាប់ល្អដាច់គេ បើធៀបទៅនឹងរថយន្ត ដែលមានកម្រិតប្រហាក់ប្រហែលគ្នា ។

លោក Peter Brongers ​បានឱ្យដឹងទៀតថា «ការថែទាំ និងការធានារយៈពេល៥ឆ្នាំ គឺជាវិធីដ៏ល្អបំផុត ក្នុងការរក្សាភាពយូរអង្វែង របស់រថយន្តនីមួយៗ ហើយម្ចាស់រថយន្ត ក៏មិនមានអារម្មណ៍​តានតឹងផងដែរ។ បច្ចុប្បន្ននេះ វាជាកញ្ចប់ពិសេស និង​ងាយស្រួល ដែលអាចប្រើប្រាស់បាន នៅក្នុងប្រទេសកម្ពុជាយើង»។

សូមបញ្ជាក់ថា ក្រុមហ៊ុនព្រីមៀម អូតូ អ៊ីមផត សូមប្រកាសថា ឥឡូវនេះ​មានទទួលសេវា និងជួសជុលរថយន្តគ្រប់ម៉ូដែល​ទាំងអស់របស់ MINI ដែលជាផ្នែកមួយរបស់ BMW Group ។ ដូច្នេះ ម្ចាស់យានយន្ត MINI ទាំងអស់​អាចរីករាយជាមួយនឹង ការថែទាំសេវាកម្ម ដែលមានគុណភាពរបស់ក្រុមហ៊ុន ជាមួយជាង​ដែលមានការបណ្តុះបណ្តាលខ្ពស់ និង គ្រឿងបន្លាស់សុទ្ធ។ រថយន្ត BMW 5 ស៊េរីដ៏ថ្មីស្រឡាងនេះ បានដាក់លក់ និងរួមបញ្ចូលជាមួយនឹងកម្មវិធីធានា និងសេវាកម្មរយៈពេល ៥ឆ្នាំ របស់ក្រុមហ៊ុន BMW។

ក្រុមហ៊ុនស្វាគមន៍រាល់អ្នក និយមស្រឡាញ់រថយន្ត BMW ទាំងអស់ មកកាន់អគារតាំងបង្ហាញរថយន្ត BMW នៅលើមហាវិថីសហព័ន្ធរុស្ស៊ី (ជាប់នឹងមជ្ឈមណ្ឌល អ៊ែតវូត) ដែលអនុញ្ញាតឲ្យលោកអ្នក ធ្វើការបើកបរសាកល្បង និងទទួលយកបទពិសោធដ៏អស្ចារ្យ ដែល BMW មានន័យថា​ រីករាយក្នុងការបើកបរ!។

សូមបញ្ជាក់ថា ក្រុមហ៊ុន Premium Auto Imports Co., Ltd នឹងធ្វើការតាំងបង្ហាញ​រថយន្ត BMW 5 ស៊េរីដ៏ថ្មី រយៈពេល៣ថ្ងៃ គឺចាប់ពីថ្ងៃទី១៩ ដល់ថ្ងៃទី២១ ខែឧសភា ឆ្នាំ២០១៧នេះ នៅក្នុងផ្សារទំនើប Aeon Mall ។ ដូច្នេះប្រសិនបើអតិថិជន មានចំណាប់អារម្មណ៍​ចង់ទាក់ទងជាវរថយន្ត ស៊េរីថ្មីនេះ សូមអញ្ជើញមក ផ្សារទំនើប Aeon ដើម្បីទស្សនាផ្ទាល់ និងទទួលបាននូវព័ត៌មាន ស្ដីពីសេវាកម្មរបស់ BMW បន្ថែមទៀត។

សូមទំនាក់ទំនង ០៧៨ ៩០ ៩០ ៩០ ឬ​ចូលទៅគេហទំព័រ www.bmw.com.kh ​សម្រាប់ព័ត៌មានបន្ថែម​ អំពីរថយន្តBMW ។ ដើម្បីទទួលបានព័ត៌មាន ព្រឹត្តិការណ៍ និង ការលក់រថយន្ត BMW ថ្មីៗ សូមស្វែងរក BMW លើទំព័រហ្វេសប៊ុក https://www.facebook.com/PremiumAutoImport៕

​