(កំពង់ចាម)៖ លោក សោ សាវឿន ប្រធានក្រុមការងារចុះជួយឃុំអូរស្វាយ ស្រុកកំពង់សៀម នៅព្រឹកថ្ងៃទី១៨ ខែឧសភា ឆ្នាំ២០១៧នេះ នាំយកអំណោយរបស់លោក ហ៊ុន ណេង សមាជិកគណៈកម្មាធិការអចិន្ត្រៃយ៍នៃរដ្ឋសភា និងជាតំណាងរាស្ត្រមណ្ឌលខេត្តកំពង់ចាម ជូនពលរដ្ឋជិត៤០គ្រួសារនៅក្នុងមូលដ្ឋានរបស់ខ្លូន។
អំណោយដែល លោក សោ សាវឿន ប្រគល់ជូនពលរដ្ឋនោះ រួមមាន គ្រួសារសម្រាលកូន២៦គ្រួសារ ក្នុងមួយគ្រួសារទទួលបានសារុង០១ ថវិកា១០០.០០០រៀល, ចាស់ជរាជួបការលំបាក១០គ្រួសារ ក្នុងមួយគ្រួសារទទួលបាន អង្ករ២៥គីឡូក្រាម មី០១កេស ទឹកត្រី០១យួរ ទឹកស៊ីអ៊ីវ០១យួរ ថវិកា ៥០.០០០រៀល, គ្រួសារដែលមានសមាជិកទើបទទួលមរណភាពចំនួន០១គ្រួសារ ទទួលបានថវិកា ២០០.០០០រៀល និងជនពិការម្នាក់ទទួលបានថវិកា ៥០.០០០រៀល។
ក្នុងឱកាសនោះ លោកឧត្តមសេនីយ៍ សោ សាវឿន បាននាំនូវការផ្តាំផ្ញើរសាកសួរសុខទុក្ខ និងរំលែកទុក្ខ ពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក ហ៊ុន ណេង ជូនដល់ប្រជាពលរដ្ឋទាំង៣៨គ្រួសារផងដែរ៕
