(ព្រៃវែង)៖ នៅព្រឹកថ្ងៃទី១៣ ខែឧសភា ឆ្នាំ២០១៧នេះ លោក ស សុខា អ្នកដំណាងរាស្រ្តមណ្ឌលព្រៃវែង និងជាអនុប្រធានសហភាពសហព័ន្ធយុវជនកម្ពុជា និងលោកស្រីបានអញ្ជើញជា គណ:អធិបតីសម្ភោធដាក់ឲ្យប្រើប្រាស់អណ្តូងទឹកចំនួន១៥ ជូនប្រជាពលរដ្ឋ និងដាំដើមឈើចំនួួន១០,០០០ដើម នៅស្រុកព្រះស្តេច ខេត្តព្រៃវែង។
ពិធីនេះត្រូវបានរៀបចំដោយក្រុមការងារ សម្របសម្រួលបច្ចេកទេសកុមារ និងយេនឌ័រក្រសួងបរិស្ថាន សហការដោយគម្រោងជំរុញភាពធន់ និងការប្រែប្រួលអាកាសធាតុរបស់សហគមន៍ជនបទ។
លោក ស សុខា បានផ្តល់អនុសាសន៍ល្អៗជាច្រើន និងបានជំរុញលើកទឹកចិត្ត ដល់សិស្សានុសិស្ស អោយខិតខំរៀនសូត្រដើម្បីអនាគតខ្លួន និងអភិវឌ្ឍន៍ប្រទេសអោយបានរីកចំរើនរុងរឿង។ កម្មវីធីសម្ភោធអណ្តូង និងដាំដើមឈើនេះ បានផ្តល់ដល់សាធារណជន សាលារៀននូវសារប្រយោជន៍ជាច្រើនសម្រាប់សហគមន៍ជនបទ ដោយចូលរួមចំណែកយ៉ាងធំធេង ក្នុងការកាត់បន្ថយនូវការប្រែប្រួលអាកាសធាតុ ផ្តល់ទឹកស្អាតសម្រាប់ប្រើ។
កម្មវីធីរួមមាន៖
* ការប្រគល់កូនឈើដល់ប្រជាពលរដ្ឋដែលចូលរួមមានកូនឈើហូបផ្លែ ៥០០០ដើម និងឈើព្រៃ៥០០០ដើម
* ចែកសម្ភារសិក្សា ដល់សិស្សានុសិស្សចំនួន ២០០នាក់
* ប្រគល់រទេះដល់កុមារពិការចំនួន២នាក់
* ដាំកូនឈើចំនួន ១០០០០ដើម
* អណ្តូងទឹកចំនួន ១៥ អណ្តូង។
