(ភ្នំពេញ)៖ ក្រសួងអប់រំ យុវជន និងកីឡា បានចេញសេចក្ដីជូនដំណឹង ស្ដីពីការជ្រើសរើសនិស្សិតអាហារូបករណ៍ ទៅសិក្សានៅសាធារណរដ្ឋសង្គមនិយមវៀតណាម ក្នុងឆ្នាំសិក្សា២០១៧-២០១៨ ចំនួន៩៩នាក់ ក្នុងនោះរួមមានថ្នាក់បណ្ឌិត និងអនុបណ្ឌិតចំនួន២០នាក់ និងថ្នាក់បរញ្ញាបត្រចំនួន៧៩នាក់។
ក្រសួងបានឲ្យដឹងថា កាលបរិច្ឆេទផុតកំណត់ទទួលពាក្យថ្ងៃទី១០ ខែមិថុនា ឆ្នាំ២០១៧។ សម្រាប់កន្លែងដាក់ ពាក្យនៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមាន អាសយដ្ឋានអគារលេខ២៣ ផ្លូវ៣៦៩ ខាងកើតស្ថានីយទូរទស្សន៍អប្សរាប្រហែល៥០ម៉ែត្រ៕
