(ភ្នំពេញ)៖ មានអ្នកគាំទ្រស្មាតហ្វូន​សាមសុង ជាច្រើន បានតម្រង់ជួរគ្នាយ៉ាងរំភើប​សប្បាយរីករាយ ដើម្បីទទួលបានទូរស័ព្ទ​​សាមសុង GALAXY S8 និង S8 PLUS ​នៅសាលមហាស្របចេនឡា ជិតផ្សារដើមគរ កាលពីពេលថ្មីៗនេះ។ «ទីបំផុត ខ្ញុំក្លាយជាម្ចាស់ទូរស័ព្ទ ដ៏ទំនើបស្រស់ស្អាតមួយនេះហើយ!»។ នេះជាការលើកឡើង របស់អតិថិជន ដែលគាំទ្រ ទូរស័ព្ទ​សាមសុង និងជាអ្នកទទួលបានទូរស័ព្ទស្មាតហ្វូននេះមុនគេ។

ស៊េរី GALAXY S ដែលជាស្វាតហ្វូន​ របស់ក្រុមហ៊ុនសាមសុង ឥទ្បូវនេះស្ថិតនៅ ក្នុងជំនាន់ទីប្រាំបីរបស់ខ្លួន។ សាមសុង ខិតខំប្រឹងប្រែងយ៉ាងខ្លាំង ក្នុងការបង្កើតភាពច្នៃប្រឌិត និងបច្ចេកវិទ្យា ដើម្បីនាំឲ្យពិភពលោក បានដឹងពីសារៈសំខាន់​នៃចំណេះដឹង និងរសនិយមថ្មីៗ ដែលប្រជាពលរដ្ឋកម្ពុជាចង់បាន​។

តាមរយៈក្រុមហ៊ុន​សាមសុង មុនពេលព្រឹត្តិការណ៍​លក់ដ៏អស្ចារ្យនេះ ក៏មានការបញ្ជាទិញមុន​ រហូតដល់រាប់ពាន់អ្នក​។ សម្រាប់អតិថិជន ដែលបានធ្វើការបញ្ជាទិញមុន ទទួលបានកាដូ ជាកញ្ចប់បន្ថែមពីក្រុមហ៊ុនសាមសុង ផងដែរ។ មានអតិថិជនផ្សេងទៀត ដែលធ្វើការជាវដោយផ្ទាល់ នៅព្រឹតិ្តការណ៍លក់ដ៏​អស្ចារ្យ​នេះ បន្ទាប់ពីឃើញសម្រស់ដ៏ស្រស់ស្អាត នៃ​ទូរស័ព្ទ​នេះ។

ប្រសិនបើលោកអ្នកខកខាន ឱកាសក្នុងការទទួលបានសាម​សុង GALAXY S8 និង S8 PLUS អាចរកជាវបាននៅហាងទំនើប សាមសុងទូ​ទាំងប្រទេសកម្ពុជា ហើយក៏អាចទទួល​បានកាដូ ពិសេសរួមមាន ស្រោមទូរស័ព្ទ និង​កញ្ចាប់គម្រោង​ «Power+1 package» សម្រាប់រយៈពេល ២៤ សប្តាហ៍ពី Smart ផងដែរ៕