(ភ្នំពេញ)៖ នៅព្រឹកថ្ងៃទី១០ ខែឧសភា ឆ្នាំ២០១៧នេះ លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌មានកម្ពុជា ប្រគល់ថវិកា២ម៉ឺនដុល្លារ ដែលជាអំណោយរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់លោក សាំង សុឥន្ទរិទ្ធ បម្រើការនៅ កាសែត The Cambodia Daily ដែលមានជំងឺទឹកនោមផ្អែមធ្ងន់ធ្ងរ។

ពិធីនេះក៏មានការចូលរួមពី សមាជិក សមាជិកា សហភាពសហព័ន្ធអ្នកសារព័ត៌មានកម្ពុជា និងអ្នកសារព័ត៌មានជាច្រើនរូប ផងដែរ ដែលបានធ្វើនៅទីស្នាក់ការរបស់សហភាពសហព័ន្ធ អ្នកសារព័ត៌មានកម្ពុជាផ្ទាល់តែម្ដង។

លោក ហ៊ុយ វណ្ណៈ បានបញ្ជាក់ថា «គុណធម៌សម្តេចទាំងទ្វេរគឺធំធេងណាស់ ដែលមានតម្លៃមិនអាចរកអ្វីប្រៀបផ្ទឹមបានទេ ហើយនេះជាការជួយជីវិតមនុស្សដ៏មានតម្លៃពន់ពេក និងដោយគ្មានការរើសអើង! ពេលយើងនៅមានជីវិត យើងនៅនឹកដល់មហាគុណដ៏ថ្លៃថ្លានេះ»៕