(ភ្នំពេញ)៖ ក្រសួងបរទេស និងសហប្រតិបត្តិការអន្តរជាតិ នៅថ្ងៃទី០៨ ខែឧសភា ឆ្នាំ២០១៧នេះ ចេញសេចក្តីប្រកាសព័ត៌មានស្តីពី «លទ្ធផលកិច្ចប្រជុំពិសេសរដ្ឋមន្រ្តីការបរទេស អាស៊ាន-អាមេរិក និងកិច្ចប្រជុំពាក់ព័ន្ធ» ដែលបានប្រព្រឹត្តិទៅនាថ្ងៃទី០៤ ខែឧសភា ឆ្នាំ២០១៧ កន្លងទៅ នៅរដ្ឋធានីវ៉ាស៊ីងតោន សហរដ្ឋអាមេរិក ដែលភាគីកម្ពុជាដឹកនាំដោយទេសរដ្ឋមន្រ្តី ប្រាក់ សុខុន រដ្ឋមន្រ្តីការបរទេស។
នាព្រឹត្តិការណ៍នេះ ក៏ជាការជួបប្រជុំលើកទី១ដែរ រវាងរដ្ឋមន្រ្តីការបរទេសនៃប្រទេសសមាជិកអាស៊ាន និងលោក រ៉េច ធីល័រសុន រដ្ឋមន្រ្តីការបរទេសសហរដ្ឋអាមេរិក ចាប់តាំងពីរដ្ឋបាលថ្មីរបស់លោក ដូណាល់ ត្រាំ ចូលកាន់អំណាច នៅខែមករា ឆ្នាំ២០១៧មក។
កិច្ចប្រជុំបានបង្ហាញពីការបេ្តជ្ញាចិត្តយ៉ាងរឹងមាំ នៃការបន្តនិរន្តរភាពនយោបាយរបស់លោកប្រធានាធិបតី ដូណាល់ ត្រាំ ចំពោះអាស៊ាន និងការផ្តល់ឱកាសជាថ្មី ដើម្បីអនុវត្តគំនិតផ្តួចផ្តើមជាច្រើនដែលអាស៊ាន និងអាមេរិក បានឯកភាពគ្នាជាច្រើនឆ្នាំកន្លងទៅ៕
សូមអានខ្លឹមសារលម្អិតក្នុងសេចក្ដីប្រកាសរបស់ក្រសួងការបរទេស ដូចខាងក្រោម៖
