(ញូវយ៉ក)៖ តារាចម្រៀង Ellie Goulding ដែលគេស្គាល់ថា ជាម្ចាស់បទ «Love Me Like You Do» ពេញនិយមជុំវិញពិភពលោកនោះ បានអញ្ជើញចូលរួម កម្មវិធីទទួលស្វាគមន៍សមាជិកថ្មី ស្រឡាងរបស់ក្រុមហ៊ុន រថយន្ដម៉ាក Land Rover គឺម៉ូដែល Range Rover Velar និងធ្វើជាអ្នកបើក រថយន្ដ Range Rover Velar មុនដំបូងគេបង្អស់ នៅទីក្រុងញូវយ៉ក កាលពីថ្ងៃទី១១ ខែមេសា កន្លងទៅ។
Ellie បាននិយាយ ទៅកាន់អ្នកគាំទ្រ របស់នាងថា «ខ្ងុំតែងតែក្លាយជាអ្នកគាំទ្រ របស់រថយន្ដម៉ាក Land Rover គ្រប់ម៉ូដែល ហើយខ្ញុំពិតជាមានអារម្មណ៍ រំភើបយ៉ាងខ្លាំង ដែលបានចូលរួមក្នុងកម្មវិធីនេះ និងពិតជាមានសំណាងមែនទែន ដែលក្លាយជាអ្នកបើករថយន្ដ Range Rover Velar ដំបូងគេ ក្នុងទីក្រុងរស់រវើកមួយនេះ។ អ្វីដែលពិសេសមួយទៀត គឺបានចូលរួមជួយសង្គម ដើម្បីជួយឲ្យក្មេងក្រីក្រ មានជីវិតល្អប្រសើរជាង ១០០០០នាក់ ក្នុងមួយឆ្នាំៗ ដែលស្ថិតនៅទីក្រុងមួយ ក្នុងចំណោមទីក្រុងដែលខ្ញុំចូលចិត្ត»។
គួរបញ្ជាក់ផងដែរថា រថយន្ដម៉ាក Land Rover បានទទួលស្វាគមន៍ សមាជិកថ្មីរបស់ខ្លួន ម៉ូដែល Range Rover Velar នៅទីក្រុងញូវយ៉ក ហើយក៏បានបរិច្ចាគ រថយន្ដ Range Rover Velar មួយគ្រឿង ដើម្បីដាក់លក់ដេញថ្លៃ នៅក្នុងកម្មវិធីសប្បរសធម៌ «East Side House Settlement Charity Gala» សម្រាប់ជួយដល់អង្គការ The East Side House Settlement ជាអង្គការមិនមែនរដ្ឋាភិបាល ដែលជួយផ្ដល់ការអប់រំឥតគិតថ្លៃ និងជួយសកម្មភាពជួយសង្គមផ្សេងៗទៀត នៅភាគខាងជើងនៃតំបន់ Manhattan គឺខណ្ឌ Bronx ក្នុងទីក្រុងញូវយ៉ក។
Range Rover Velar ត្រូវបានរចនាឡើង ដើម្បីបំពេញចន្លោះរវាង Range Rover Evoque និងRange Rover Sport។ រថយន្ដមួយនេះ នឹងនាំមកនូវភាពរំភើប មិនធ្លាប់មានពីមុនមក ជាមួយយការរចនាយ៉ាងឆើតឆាយ និងទំនើប ទៅឲ្យគ្រួសារ Range Rover។
លោក Gerry McGovern ប្រធានផ្នែករចនាម៉ូត របស់ Land Rover បាននិយាយថា «Velarកំពុងតែទាក់ទាញចំណាប់អារម្មណ៍យ៉ាងខ្លាំង ជាមួយនឹងការរចនាដ៏ឈានមុខគេ ទាំងកំលាំងខ្លាំង រាងសង្ហាឥតខ្ចោះ និងបច្ចេកវិទ្យាទំនើប។ Velar នឹងបន្ដធ្វើឲ្យប្រវត្តិសាស្ត្ររបស់ Range Rover ជាឈ្មោះតំណាងឲ្យការច្នៃប្រឌិតខ្ពស់ បច្ចេកវិទ្យាទំនើបដាច់គេ និងការរចនា ដ៏គួរឲ្យទាក់ទាញបំផុត»។
ព័ត៌មានពីក្នុងប្រទេសកម្ពុជា យើងបានឲដឹងថា រថយន្តម៉ូដែលថ្មី ស្រឡាង Range Rover Velar នេះ នឹងត្រូវបានទទួលការនាំចូល និងចែកចាយផ្តាច់មុខ ដោយក្រុមហ៊ុន អ អិម អេ ខេមបូឌា ដែលជាទទួលបានការផ្តល់សិទ្ធិផ្តាច់មុខ ពីសំណាក់រោងចក្រ Jaguar Land Rover ផ្ទាល់នៅចក្រភពអង់គ្លេស និងទទួលស្គាល់ជាផ្លូវច្បាប់ ពីសំណាក់អជ្ញាធរក្រសួងពាណិជ្ជកម្ម របស់រាជរដ្ឋាភិបាលកម្ពុជា។ ក្រុមហ៊ុន អ អិម អេ ខេមបូឌា មានអគារតាំងលក់ រថយន្តម៉ាក Jaguar និង Land Rover នៅឯ #264A មហាវិថីសហព័ន្ធរុស្សី ទូរស័ព្ទលេខ 023 888 811៕
