(ភ្នំពេញ)៖ ទីបំផុត ក្រុមហ៊ុន Huawei ដែលកំពុងគ្រោងចំណាត់ថ្នាក់លេខ១ លំដាប់ពិភពលោក លើប្រាក់ចំណេញ ពីប្រព័ន្ធប្រតិបត្តិការ Android Smartphone បានបើកសម្ពោធ និងលក់ កំពូលអធិរាជស្មាតហ្វូន កាមេរ៉ាភ្លោះ Lecia មុខក្រោយ Huawei P10 & P10 plus នៅកម្ពុជាជាផ្លូវការហើយ ជាមួយនឹងកាដូដ៏ភ្ញាក់ផ្អើល ដោយការបើកសម្ពោធនេះធ្វើឡើង នាយប់ថ្ងៃទី០៤ ខែឧសភា ឆ្នាំ២០១៧នេះ។
កម្មវិធីបង្ហាញវត្តមាន និងដាក់លក់ស្មាតហ្វូនស៊េរីថ្មី Huawei P10 & P10 នេះ ត្រូវបានប្រារព្ធឡើងនៅ DIB Club កោះពេជ្រ ក្រោមអធិបតីភាព លោក លី ស៊ុងវៃ (Li XiongWei) នាយកប្រតិបត្តិជាន់ខ្ពស់ ប្រចាំក្រុមហ៊ុនហ៊ួរវ័យនៅកម្ពុជា ដៃគូសហការ ក្រុមហ៊ុន Yako Technology តំណាងចែកចាយផ្តាច់មុខ នៅទូទាំងប្រទេស ម្ចាស់ហាង ភ្ញៀវកិត្តិយស តារាបង្ហាញម៉ូតល្បីៗ ជាងថតរូបអាជីព និងមិត្តអ្នកសារព័ត៌មានសុរប ជាង២០០នាក់។
លោក លី ស៊ុងវៃ (Li XiongWei) នាយកប្រតិបត្តិជាន់ខ្ពស់ របស់ក្រុមហ៊ុន Huawei នៅកម្ពុជា មានប្រសាសន៍ថា «Huawei ពិតជាមានមោទនភាព ដែលមានក្រុមហ៊ុនដៃគូ សហការម្ចាស់ហាង អ្នកចែកចាយបន្តល្អៗ ដែលជំរុញឲ្យមាន អតិថិជនយ៉ាងច្រើនសន្ធឹកសន្ធាប់ គាំទ្រផលិតផល Huawei ជាពិសេសវិស័យហួវៃស្មាតហ្វូន នេះតែម្តង។ ជាមួយអ្នកទាំងអស់គ្នា ហួវៃ រំពឹងទុក និងជឿជាក់យ៉ាងមុតមាំថា Huawei P10 & P10 Plus នឹងទទួលបានជោគជ័យខ្លាំងក្នុង ទីផ្សារកម្ពុជា!»។
Huawei P10 & P10 Plus គឺជាកំពូលស្មាតហ្វូន ដើមឆ្នាំ ២០១៧ របស់ក្រុមហ៊ុន Huawei ដែលត្រូវបានដាក់បង្ហាញជាផ្លូវការ នៅក្នុងកម្មវិធីពិពណ៌ទូរសព្ទពិភពលោក ឆ្នាំ២០១៧(MWC) និងទទួលបាន២៣ពាន់រង្វាន់ ថែមទៀត។ សម្រាប់កម្ពុជា Huawei P10 មានតម្លៃ៦១០ដុល្លារ និង Huawei P10 Plus មានតម្លៃ៦៩០ដុល្លារ ដោយមានបន្ថែមនូវកាដូយ៉ាងច្រើន សន្ធឹកសន្ធាប់ រួមមាន Original Huawei Selfie Stick, Original Huawei Power Bank និង USB Connector មួយឈុត ដែលមានតម្លៃសរុប ជាទឹកប្រាក់រហូតដល់ទៅជាង ៧០ដុល្លារ។ ក្រៅពីនេះ ក៏មានបន្ថែមនូវស៊ីមកាត Cellcard លេខពិសេស រីករាយក្នុងការប្រើប្រាស់ Internet ដោយឥតគិតថ្លៃ 8GB/១ខែ រយៈពេលដល់ទៅ៦ខែ រហូតអស់ពីស្តុក។
លោក អែម យុទ្ធូ នាយកទីផ្សារជាន់ខ្ពស់របស់ Huawei Android ស្មាតហ្វូនប្រចាំកម្ពុជាបាន បញ្ជាក់ថា «កំពូលស្មាតហ្វូនកាមេរ៉ាភ្លោះ មុខក្រោយ Lecia ស៊េរីថ្មី Huawei P10 & P10 Plus គឺការឆ្លើយតបទៅនឹងតម្រូវការ ដ៏លើសលុប របស់អតិថិជន ដែលនិយមថត និងផ្តិតយករូបភាព បែបសិល្បៈ សខ្មៅ ផ្ទៃព្រាល ស៊ីវិល័យហាយក្លាសអេឡេហ្គេន។ សម្រាប់កម្ពុជា ការបើកកម្មវិធី កុម្ម៉ង់ទុកមុន Huawei P10 & P10 Plus របស់យើង ត្រឹមតែរយៈពេលជាង១សប្តាហ៍សោះ យើងទទួលបានការកក់ទុកមុន ពីសំណាក់អតិថិជនលើសពីការរំពឹងទុក ប្រមាណជាង ១៥០% នៃ Stock សរុប។ ជាពិសេសបើប្រៀបធៀប ពីការលក់ចេញ P9 & P9 Plus គឺ Huawei P10 & P10 Plus មានសន្ទុះនៃការចាប់អារម្មណ៍ គាំទ្រជាវ រហូតដល់ទៅ ៣០០%»។
គួរកត់សំគាល់ផងដែរថា លក្ខណៈពិសេសដែលនាំឲ្យ Huawei P10 និង P10 Plus រឹតតែ លេចធ្លោរនោះគឺ មាន៤ ចំនុច (១)គុណពភាពកាមេរ៉ាភ្លោះរឹតតែច្បាស់ រឹតតែលេចធ្លោរតែមួយគត់ ដែលស្មាតហ្វូនដទៃ មិនមានសមត្ថភាពដល់ ពោលគឺឡេន ឡៃការ ៣ គ្រាប់ ភ្លោះពីរខាងក្រោយ (20MP/12MP) និងឡេនឡៃការមួយ ខាងមុខសែលហ្វី(8MP), (២)សិល្បៈក្នុងការរចនារូបរាង យ៉ាងប្រណិតភាព តួផលិតដោយវត្ថុធាតុដើម កាត់ពីគ្រាប់ពេជ្រងាយស្រួលចាប់កាន់ រលោង ចែងចាំង មិនឆ្កូត ពេញដោយប្រណិតភាព សោភ័ណ្ឌភាពគ្រប់ជ្រុង ជាមួយនឹងជម្រើសច្រើនពណ៌, (៣) ថាមពលថ្មធំប្រើបានយូរ និងសាកថ្មឆាប់រហ័សបំផុត សាកកន្លះម៉ោងប្រើបានពេញ១ថ្ងៃ និង (៤)ល្បឿន CPU ស៊េរីចុងក្រោយបំផុត លឿនបំផុតប្រភេទ HiSilicon Kirin 960 (64-bit) Octa-core (4x2.4GHz Cortex A73 & 4x2.8Ghz Cortex A53) បន្ថែមនូវ GPU Mali-G71 រួមជាមួយនឹងល្បឿនអ៊ិនធើណិត រហូតដល់ ៤.៥G LTE និងស៊ីមពីរ ដែលអាចបន្ថែមម៉េម៉ូរី ខាងក្រៅ រហូតដល់២៥៦GB ។
Huawei P10 / Huawei P10 Plus អនុញ្ញាតអោយអ្នកប្រើ ថតរូបបែបសិល្បៈស៊ីវិល័យ Portrait ដោយបន្ថែម Artistic Effect ហាយក្លាស អេឡេហ្គេន រឹតតែច្បាស់ រូបភាពសខ្មៅ monochrome ស្រមោលពន្លឺ Bokeh រឺផ្ទៃព្រាល Depth of Field រឺ Wide Aperture ដែលបំពាក់កាមេរ៉ាជំនាញ Leica ជំនាន់ទី ២ ( P10 ឡេនឡៃការប្រភេទ Summarit H F/2.2 និង P10Plus ឡេនឡៃការ ប្រភេទ Summilux H F/1.8 ) ។ កំពូលស្មាតហ្វូនទាំងពីរនេះ បំពាក់កាមេរ៉ាមុខសែលហ្វី ឡេន Leica ដំបូងបង្អស់ផ្តិតយករូបភាពកាន់តែដិតច្បាស់ គ្រប់ចំណុច កំរិត aperture កាន់តែធំ មុខងារជំនួយក្នុងការថត ជួយពណ៌ និងរូបបែបសិល្បៈស៊ីវិល័យ បែបធម្មជាតិស្រស់ពិតៗ ពណ៌ ក្លាសិកបែបឡៃការ បច្ចេកវិទ្យា Hybrid Zoom ដែលជំនួយពន្លឺពីរដង ក្នុងការថតរូប រឹតតែច្បាស់ដិតគ្រប់ចំណុច ថតរូបពេលយប់ រឺកន្លែងខ្សោយពន្លឺ (Super Low Light) រួមជាមួយនឹងបច្ចេកវិទ្យាទប់លំនឹង (OIS) ។
កម្មវិធីសម្ភោធ Huawei P10 & P10 Plus ដំណើរការ និងបញ្ចប់ទៅយ៉ាងរលូន ក្រោមកម្រភោជនីយហារសាមគ្គី បែបហាយក្លាស ការថតរូបអនុស្សវរីយ៍ ដោយកំពូលអធិរាជស្មាតហ្វូន P10 & P10 Plus និង ការចាប់ឆ្នោតផ្តល់សំណាង ដល់ភ្ញៀវកិត្តិយស ដ៏ភ្ញាក់ផ្អើល គឺ Huawei Band ១៦រង្វាន់ និង Original Huawei Bluetooth Speaker ចំនួន ២ រង្វាន់។
Huawei P10 តម្លៃ ៦១០ ដុល្លារ & P10 Plus តម្លៃ ៦៩០ ដុល្លារ មានលក់នៅគ្រប់ហាងទូរស័ព្ទ ដែលមានស្លាកសញ្ញា Huawei បណ្តាហាងដៃគូរ និងហាងដែលមាន ភ្នាក់ងារបុគ្គលិកលក់ Huawei ចាប់ពីថ្ងៃនេះទៅ៕
