(ភ្នំពេញ)៖ មជ្ឈមណ្ឌលកម្សាន្ត និងអប់រំ Kids City សហការជាមួយ ក្រុមហ៊ុនធានារ៉ាប់រងអាយុជីវិត PRUDENTIAL បានរៀប​ចំកម្មវិធីប្រកួត STEM ជ្រើសរើសជើងឯកវគ្គ ផ្ដាច់ព្រ័ត្រប្រចាំឆ្នាំ​២០១៦-២០១៧ កាលពីពេលថ្មីៗនេះ។ ការប្រកួត STEM នេះមានការចូលរួមពីសិស្សានុសិស្សម កពី៥គ្រឹះស្ថានសិក្សាឯកជន និង៥​សាលាសាធារណៈ ដោយមានសិស្សចំនួន៥១នាក់ ដែល​មានអាយុចាប់ពី១០ដល់១២ឆ្នាំ។

ប្រធានបទនៃការប្រកួត STEM គឺការសាងសង់ ឡាបូលាងដៃ ដោយការប្រកួតបែងចែកជាក្រុម​១០ក្រុម ក្នុង១​ក្រុមមានសមាជិក៥នាក់។ ​ជ័យជំនះបានទៅលើ៣សាលា ដែលក្នុងនោះមាន (សាលាសាធារណៈ​ចំនួន១ និងគ្រឹះស្ថាន សិក្សាឯកជនចំនួន២) នៅរាជធានីភ្នំពេញ។

ជយលាភីទី១៖ បានទៅលើសិស្ស មកពីសាលាអន្តរជាតិ អេមថល
- ទទួលបានថវិកា ចំនួន១០០០ដុល្លារ សម្រាប់ទិញសៀវភៅវិទ្យាសាស្រ្ត សម្រាប់ប្រើប្រាស់នៅ ក្នុងសាលា
- ពានរង្វាន់ប្រចាំ ឆ្នាំ២០១៦-២០១៧ សម្រាប់សាលា
- មេដាយចំនួន៥
- ទស្សនកិច្ច ដោយឥតគិតថ្លៃនៅសាលវិទ្យាសាស្រ្ត Kids City សម្រាប់សិស្សមួយថ្នាក់។

ជយលាភីទី២៖ បានទៅលើសិស្ស​មកពីអនុវិទ្យាល័យ ចំបក់មាស
- ទទួលបានថវិកា​ ចំនួន៦៥០ដុល្លារ សម្រាប់ទិញសៀវភៅវិទ្យាសាស្រ្ត សម្រាប់ប្រើប្រាស់នៅក្នុង​សាលា
- មេដាយចំនួន៥។

ជយលាភីទី៣៖ បានទៅលើសិស្សមកពីសាលា ចំណេះទូទៅអន្តរជាតិ​ សឹង្ហបុរី
- ទទួលបានថវិកា ចំនួន៣៥០ដុល្លារ សម្រាប់ទិញសៀវភៅវិទ្យាសាស្រ្ត សម្រាប់ប្រើប្រាស់នៅ​ក្នុងសាលា
- មេដាយចំនួន៥។

កម្មវិធីបញ្ចប់ទៅដោយជោគជ័យ ដោយសារមានការគាំទ្រទាំងស្រុង ពីក្រុមហ៊ុនធានារ៉ាប់រងអាយុជីវិត PRUDENTIAL។
ក្នុងឱកាសនេះ​ លោកស្រី អ៊ុន បុប្ផានី ជា Head of Brand and Communication នៅ ក្រុមហ៊ុន PRUDENTIAL កម្ពុជា បានមានប្រសាសន៍ថា​ ក្នុងនាមជាក្រុមហ៊ុន ធានារ៉ាប់រងអាយុជីវិត ឈានមុខគេនៅកម្ពុជា ក្រុមហ៊ុនបានចូលរួមយ៉ាងសកម្ម និងគាំទ្រ ក្នុងគម្រោងដែលផ្ដល់ ផលប្រយោជន៍ នៅទូទាំងប្រទេសពីកម្មវិធី CHaChing និងសុវត្ថិភាពចរាចរណ៍។ ហេតុដូច្នេះ យើងយល់យ៉ាងពេញលេញ លើការលើកកម្ពស់ការអប់រំ និងសារៈសំខាន់របស់ STEM នៅកម្ពុជា។

លោកស្រី បានបន្ថែមទៀតថា «យើងមានភាពរីករាយណាស់ ដែលបានចូលរួមជាផ្នែកមួយ ក្នុងការនាំយកនូវ បទពិសោ​ធន៍ STEM ដែលមានគុណភាព ដល់កុមារជាច្រើន​នៅទូទាំងប្រទេស ហើយយើងនឹងបន្តការ គាំទ្រដល់កម្មវិធីផ្សព្វផ្សាយ STEM និងព្រឹត្តិការណ៍ប្រកួត​ប្រជែង STEM នាពេលអនាគត!»។

តាមរយៈការប្រកួត STEM នេះ យើងសង្ឃឹមយ៉ាងមុតមាំថា សាលានឹងបន្តពង្រឹង និងលើ​ក កម្ពស់មុខវិជ្ជានេះ ដើម្បីជំរុញឱ្យសិស្សានុសិស្ស បានយល់ដឹងពីសារៈសំខាន់ អំពីវិទ្យាសាស្ត្រក្នុងការ អភិវឌ្ឍន៍ប្រទេស។ ជាងនេះទៅទៀត មជ្ឈមណ្ឌលកម្សាន្ត Kids City ក៏មានសិក្ខាសាលាល្អៗ និងសកម្មភាព​កម្សាន្ត បែបអប់រំ ដ៏សំបូរបែបសម្រាប់សិស្សានុសិស្ស គ្រប់វ័យ។

ព័ត៌មានបន្ថែមពីកម្មវិធី STEM សូមទំនាក់ទំនង​​ អ្នកស្រី ហីង ស្រី ជំនួយការ​ប្រធាន​សាលវិទ្យាសាស្រ្ត
Email: [email protected]
Tel: 023 220 088 / 087 351 535 / 077 778 918
អាស័យដ្ឋាន:  ១៦២A (ក្បែរអគារ ៤២ជាន់) មហាវិថីព្រះសីហនុ រាជធានីភ្នំពេញ Facebook / Website: Kids City Asia ៕