(ព្រះសីហនុ)៖ ថវិកាជំនួយសប្បុរសជិត៥០ម៉ឺនដុល្លារ ត្រូវបានប្រមូលក្នុង ទិវាពិភពលោកកាកបាទក្រហម និងអឌ្ឍច័ន្ទក្រហម ខួបលើកទី១៥៤ នៅខេត្តព្រះសីហនុ ក្រោមអធិបតីភាពនាយឧត្តមសេនីយ៍ ប៉ុល សាវឿន ប្រធានក្រុមការងារថ្នាក់ជាតិ ចុះជួយខេត្តព្រះសីហនុ នៅព្រឹកថ្ងៃទី០៣ ខែឧសភា ឆ្នាំ២០១៧នេះ។

ពិធីនេះត្រូវបានប្រារព្ធឡើង ដោយមានការចូលរួមពី ថ្នាក់ដឹកនាំខេត្ត មន្ដ្រីរាជការ និងអ្នកពាក់ព័ន្ធ ជាច្រើនរូបផងដែរ។

នាយឧត្តមសេនីយ៍ ប៉ុល សារឿន​ បានលើកឡើងថា ដើម្បីជាការរំលឹកទៅដល់ចលនាកាកបាទក្រហម ដែលតែងតែធ្វើការងារមនុស្សធម៌ មិនប្រកាន់ពូជសាសន៍ ពណ៍សម្បុរ ឬបក្សនយោបាយអ្វីឡើយ ក្នុងការជួយប្រជាពលរដ្ឋក្រីក្រលំបាក ឫជួបគ្រោះមហន្តរាយធម្មជាតិផ្សេងៗ។

សូមបញ្ជាក់ថា ​សាខាកាកបាទក្រហមខេត្ត ប្រមូលបានថវិកា​ជំនួយពីសប្បុរសជនចំនួន៤៥២,៩១៣ដុល្លារ៕