(ភ្នំពេញ)៖ ក្លឹបបាល់ទះវិសាខា សាលាខណ្ឌពោធិ៍សែនជ័យ បានប្រកាសជូនដំណឹង ដល់យុវជនដែលមាន អាយុក្រោម ២០ឆ្នាំ កំពស់ចាប់ពី១.៩៥ម៉ែត្រឡើងទៅ ដាក់ពាក្យប្រឡងចូលបម្រើការងារ អមជាមួយការផ្តល់អត្ថប្រយោជន៍ ជាច្រើនទៀត។ នេះបើយោងតាមការបង្ហោះឲ្យដឹងនៅលើ Facebook Page ផ្លូវការរបស់ លោក ស សុខា។
យោងតាម Facebook Page ផ្លូវការបានបញ្ជាក់ថា យុវជន អាចដើម្បីដាក់ពាក្យប្រឡង ជាមួយគ្រូបរទេស នាថ្ងៃទី២០ ខែឧសភា ឆ្នាំ២០១៧ នៅសាលាខណ្ឌពោធិសែនជ័យ។
យុវជន ដែលប្រឡងជាប់ អាចនឹងទទួលបានអត្ថប្រយោជន៍ដូចជា៖
១៖ ទទួលបានប្រាក់ខែខ្ពស់
២៖ មានកន្លែងស្នាក់នៅស្អាត
៣៖ ផ្តល់ជូនអាហារ៣ពេល
៤៖ មានឱកាសប្រឡងយកក្របខ័ណ្ឌមន្រ្តីរាជការ
៥៖ អាចក្លាយទៅជាកីឡាករជំរើសជាតិ និងត្រៀមលេងស៊ីហ្គេម២០២៣
៦៖ ផ្តល់ជូនការសិក្សាទៅតាមចំណង់ចិត្ត
ព័ត៌មានលំអិត អាចទាក់ទងតាមទូរស័ព្ទលេខ ០១៧ ៨៣ ៨៣ ៣៣ ឬ Facebook HEM DARITH៕
