(ភ្នំពេញ)៖ លោក ហ៊ាន វណ្ណហ៊ន អគ្គនាយកដ្ឋាននៃអគ្គនាយកដ្ឋានកសិកម្ម នៅថ្ងៃទី២១ ខែមេសា ឆ្នាំ២០១៧នេះ បានអំពាវនាវឲ្យកសិករទាំងអស់ ត្រូវតែយកចិត្តទុកដាក់ ទៅលើដាំដំណាំបន្លែដែលមានសុវត្ថិភាព ពោលគឺ បន្ថែដែលគ្មានជាតិគីមី ដើម្បីជំរុញឲ្យការដាំបន្លែនៅកម្ពុជា កាន់តែមានសុវត្ថិភាព។
ការអំពាវនាវយ៉ាងដូច្នោះ របស់លោក ហ៊ាន វណ្ណហ៊ន បានធ្វើឡើងនៅក្នុងពិធីសិក្ខាសាលាថ្នាក់ជាតិ ស្តីពី «ការលើកកំពស់សុវត្ថិភាពបន្លែ សំរាប់ទីផ្សារនៅប្រទេសកម្ពុជា» នៅព្រឹកថ្ងៃទី២១ ខែមេសានេះ។
លោកបានបញ្ជាក់បន្ថែមទៀតថា ដោយហេតុផលថា ដំណាំបន្លែ គឺគេហូបឆៅ ហើយត្រូវនៅស្រស់ៗ ខុសពីដំណាំស្រូវ អង្ករ ពោត សណ្ដែក ស្វាយចន្ទី ដែលអាចទុកបានរយៈពេលយូរជាងដំណាំបន្លែ ដូច្នេះសូមបងប្អូនប្រជាកសិករ យកចិត្តទុកដាក់លើ ការដាំបន្លែគ្មានជាតិគីមី។
តាមរបាយការណ៍ក្នងការសិក្សាមួយ បានបង្ហាញថា បរិមាណបន្លែដែលកំពុងផ្ដត់ផ្គង់ ដោយបណ្ដាប្រទេសជិតខាង មកកាន់ទីក្រុងភ្នំពេញ គឺមានរហូតដល់ប្រមាណ ២០០ ទៅ៣០០តោនក្នុងមួយថ្ងៃៗ៕
