(ភ្នំពេញ)៖ នាព្រឹកថ្ងៃទី១៩ ខែមេសា ឆ្នាំ២០១៧ គម្រោងខុនដូរ One Park បានប្រារព្ធពិធីបញ្ចប់ការសាងសង់ជាន់កំពូលអគារ ខណៈដែលគម្រោងនេះ គ្រោងនឹងបញ្ចប់ការសាងសង់ទាំងស្រុង នាពេលឆាប់ៗនេះផងដែរ។

គម្រោង One Park ជាគម្រោងគ្រប់ដណ្ដប់លើផ្ទៃដី ៧៩,០០០ម៉ែត្រការ៉េ ហើយនេះ គឺជាអគារ Apartment «សហគមន៍រចនាបថឧទ្យាន» ដំបូងគេបង្អស់ ក្នុងរាជធានីភ្នំពេញ។ One Park ត្រូវបានសហការរចនាប្លង់ ដោយក្រុមការងារគូសប្លង់អន្ដរជាតិ និងក្រុមហ៊ុនស្ថាបត្យកម្មសិង្ហបុរីដ៏ល្បីល្បាញ ឈ្មោះ DPA ដែលជា​អ្នកធ្វើប្លង់វិទ្យាសាស្រ្ដ និងការសាងសង់ដោយផ្អែក លើលក្ខខណ្ឌក្នុងស្រុក និងបានខិតខំកែលម្អបទពិសោធន៍ រស់នៅរបស់ប្រជាពលរដ្ឋ ដោយខិតខំប្រឹងប្រែងយ៉ាងផ្ចិតផ្ចង់ និងហ្មត់ចត់។

លោក Wu Hongkai បានថ្លែងសាទរ ចំពោះការបញ្ចប់ការសាងសង់ ជាន់កំពូលអគារនេះ គម្រោង One Park និងបានថ្លែងអំណរ​គុណ ចំពោះក្រុមហ៊ុនម៉ៅការធំ នៃគម្រោងនេះ គឺក្រុមហ៊ុន China Construction Cambodia Corporation។

លោកបានបន្ដថា «សមិទ្ធផលនេះ គឺកើតឡើងបានដោយសារ ការខិតខំប្រឹងប្រែងធ្វើការទាំងយប់ទាំងថ្ងៃ របស់ក្រុមការងារសាងសង់​ ដែលបានជម្នះរាល់ការលំបាក ផ្នែកបច្ចេកទេសនានា ដើម្បីធានាសុវត្ថិភាព និងវឌ្ឍនភាពនៃកម្រោងនេះ។ ខ្ញុំសូមវាយតម្លៃ​ខ្ពស់ចំពោះគម្រោងនេះ និងជឿជាក់ថា គម្រោង One Park នឹងបន្ថែមសារសំខាន់ទៅលើ រាធានីភ្នំពេញ បន្ថែមទៀតបង្ហាញពីការ​តាំងចិត្តរបស់ម្ចាស់ខុនដូ និងម្ចាស់ខុនដូនាពេលអនាគតនៃគម្រោងនេះ នៅក្នុងការបង្កើត សហគមន៍រចនាបថឧទ្យាន នៅក្នុងទីក្រុង ដែលបំពាក់ដោយសេវា ប្រកបដោយគុណភាពខ្ពស»។

គម្រោង One Park រួមមានឧទ្យានឯកជនដ៏ធំ និងប្រណិត ដែលមានរចនាបថចំនួន៨ផ្សេងគ្នា និងត្រូវបានកោតសសើរថា ជាសហគមន៍រចនាបទឧទ្យាន ដំបូងបង្អស់នៅកម្ពុជា ដែលរួមមានអាងហែលទឹក និងឧទ្យានត្រូពិកធំល្វឹងល្វើយ លោកអ្នកនឹងទទួល​បានបុព្វសិទ្ធិ ប្រើប្រាស់ឧទ្យាន ដែលមានរចនាបថសិល្បៈប្រណិត។

អ្វីដែលកាន់តែពិសេសជានេះ ទៅទៀតនោះគឺគម្រោង One Park បានបំពាក់នូវធនធានអប់រំទំបើបំផុត និងបានបង្កើតសាលាអន្ដរជាតិ សិង្ហបុរីធំមួយ ដែលមានពីថ្នាក់មត្តេយ្យដល់ថ្នាក់​សាកលវិទ្យាល័យដែលមានទីតាំងនៅចំកណ្ដាលនៃសហគមន៍ ហើយនេះគឺជាការ រួមចំណែកមួយ សម្រាប់ផ្ដល់លំហការលូតលាស់​ ដ៏ល្អអស្ចារ្យសម្រាប់កូនៗ របស់លោកអ្នកទៀតផងដែរ៕