(ភ្នំពេញ)៖ ក្រោមការបញ្ជាផ្ទាល់ពី លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ នៅថ្ងៃទី១២ ខែមេសា ឆ្នាំ២០១៧នេះ លោកវរសេនីយ៍ឯក អ៉ី សុខា ស្នងការរងទទួលផែនសណ្តាប់ធ្នាប់ សហការជាមួយលោកវរសេនីយ៍ឯក ព្រហ្ម ពៅ នាយការិយាល័យនគរបាលចរាចរណ៍ផ្លូវគោក បានដឹកនាំកម្លាំងចំនួន៨នាក់ រថយន្តស៊ីរ៉ែន២គ្រឿង បើកផ្សព្វផ្សាយច្បាប់ចរាចរណ៍ផ្លូវគោក ដល់អ្នកបើកបររថយន្តដឹកយន្តដឹកអ្នកដំណើរទៅស្រុកកំណើត នៅឱកាសបុណ្យចូលឆ្នាំថ្មីប្រពៃណីជាតិខ្មែរ។
ការចុះផ្សព្វផ្សាយចល័តនេះ ធ្វើឡើងចំនួន២គោលដៅ៖
១៖ រោងចក្រញ៉ូវស្តារ មានអ្នកបើកបរចូលរួម ចំនួន៨៩នាក់។
២៖ តំបន់សេដ្ឋកិច្ចពិសេសបិតត្រាង មានអ្នកបើកបររថយន្ត និងម៉ូតូចូលរួម ៣៣៦នាក់។
ក្រៅពីនេះ កម្លាំងសមត្ថកិច្ចបានចុះល្បាតលើផ្លូវជាតិលេខ៤ និងបានអប់រំដល់អ្នកបើកបររថយន្តដឹកកុងតឺន័រ ឲ្យបើកបរគោរពគ្នាទៅវិញទៅមក កុំល្មើសច្បាប់ចរាចរណ៍ផ្លូវគោក ចំនួន១៥គ្រឿងផងដែរ៕
