(ភ្នំពេញ)៖ លោកឧកញ៉ា សៀ ឬទ្ធី ប្រធានក្រុមប្រឹក្សាភិបាល ក្រុមហ៊ុន​វើលដ៏ប្រ៊ីជ និងជាវិនិយោគិន​ដ៏ធំនិងឆ្នើមមួយរូប​ក្នុងវិស័យអចលនទ្រព្យនៅកម្ពុជា បានប្រារព្ធកម្មវិធីជប់លៀង ថ្លែងអំណរគុណដល់អតិថិជន ដែលគាំទ្រ និងជាវនូវគម្រោងThe Peak របស់ខ្លួន នៅសណ្ឋាគារ ឡឺរ៉ូយ៉ាល់ រាជធានីភ្នំពេញ។

ក្នុងឱកាសលោកឧកញ៉ា បានថ្លែងទៅកាន់អតិថិជនរបស់ខ្លួនថា គម្រោងអគារខុនដូ ផ្សារទំនើប និងសណ្ឋាគារ​The Peak ដែលជាការវិនិយោគ ដោយវិនិយោគិនកម្ពុជា និងបរទេស​យកស្តង់ដារតា​ប្រទេសសិង្ហបុរី បានចាប់ផ្ដើមដំណើរការសាងសង់បុកគ្រឹះរួចរាល់ហើយ ដោយគ្រោង​នឹងបញ្ចប់ទៅតាមផែនការ​យ៉ាងជោគជ័យ និងគ្មានបញ្ហាអ្វីដែលត្រូវប្រឈមឡើយ ។

លោកឧកញ៉ា​សៀ ឬទ្ធី បានបន្ដថា រហូតមកដល់ពេលនេះ គម្រោង​អគារ​ The Peak បានសង់បាតគ្រឹះក្រោមរួចហើយ ដូចនេះការសាងសង់បន្ត​នឹងមានដំណើរការលឿន ព្រោះថាការសាងសង់អគារ​ព្រោះតែយឺតយូរលើការសាងសង់​បាតគ្រឹះក្រោមហ្នឹងទេ ចំពោះការលក់គម្រោងអគារ The Peak រហូតមកដល់ពេលនេះ បានជាង៦០ភាគរយ​ហើយសម្រាប់ខុនដូ តែសម្រាប់គម្រោងផ្សេងទៀត ដូចជាផ្សារទំនើប និងសណ្ឋាគារ ដែលមាននៅក្នុងគម្រោងអគារ The Peak ដែរ​នោះនៅមិនទាន់បានប្រកាសលក់នៅឡើយទេ ។

លោកឧកញ៉ាលើកឡើងទៀតថា ថា «ចំពោះស្ថានភាពនៃវិស័យខុនដូ នៅពេលបច្ចុប្បន្ននេះ បើនិយាយថា​ស្ងាត់វាមិនស្ងាត់នោះទេ ចំពោះគម្រោង​របស់ខ្ញុំដែលកំពុងអភិវឌ្ឍន៍ ព្រោះគម្រោងរបស់យើង បានសាងសង់នៅលើទីតាំងល្អ ទីតាំងដែលមានសក្ដានុពល​ហើយបូករួមជាមួយអ្នកអភិវឌ្ឍន៍គម្រោងយើង ក៏ជាអ្នកដែលមានកេរ្តិ៍ឈ្មោះល្អ ដូចនេះហើយ​ដែលធ្វើឲ្យអតិថិជន​ទាំងក្នុងស្រុក និងក្រៅនៅតែបន្តគាំទ្រ​របស់យើងដដែល» ។

ទន្ទឹមនឹងនោះ លោកឧកញ៉ាក៏បានថ្លែងអំណរគុណ ដល់អតិថិជនរបស់ខ្លូន ដែលបានជាវនូវគ្រប់ប្រភេទនៃគម្រោងThe Peak ដែលធ្វើឲ្យគម្រោងមួយនេះកាន់តែជោគជ័យរលូតមួយកម្រិតទៀត នៅក្នុងការសាងសង់នៃ ៕