​(ភ្នំពេញ)៖ ព្រឹតិ្តការណ៍ «ISUZU DIESEL CHALLENGE 2017» ដែលជាកម្មវិធីប្រកួតការបើកបររថយន្ត បែបសន្សំសំចៃប្រេង ដែលចេញដំណើរពីប្រទេសវៀតណាម។ ការប្រកួតនេះ​ត្រូវរៀបចំចាប់ពីថ្ងៃទី៧ខែមេសា ដល់ថ្ងៃទី៩ ខែមេសា ឆ្នាំ២០១៧ ដោយក្រុមហ៊ុន អ៊ីស៊ូហ្ស៊ុ​វៀតណាម។​ ក្រុមហ៊ុន អ៊ូស៊ូហ្ស៊ុ វៀតណាម បានបង្កើតនូវ​គំនិត ស្តីពីសកម្មភាពផ្នែកទីផ្សារ​នេះឡើង ដែលផ្តួចផ្តើមគំនិត ដោយ ក្រុមហ៊ុន ទ្រី ផេដ អ៊ូស៊ូហ្ស៊ុ សេល ខមភេនី លីមីធីត នៃប្រទេសថៃ និងអនុវត្តសកម្មភាព ដែលទទួលបានជោគជ័យខ្លាំងនេះ នៅទីផ្សារប្រទេសវៀតណាម។

សកម្មភាពនេះ​ មាន​រថយន្តចំនួន ៣០ គ្រឿង មានដូចជាប្រភេទ​រថយន្តភីក​អាប់ «Isuzu D-Max» និងប្រភេទរថយន្តពហុបច្ចេកវិទ្យាដ៏ប្រណីត «Isuzu MU-X» ដែលរថយន្តទាំងពីរប្រភេទនេះ មានកម្លាំងម៉ាស៊ីន ២.៥ និង ៣.០ Ddi នៅក្នុងស្ដង់ដារោងចក្រផលិត។ អ្នកប្រណាំងទាំងអស់ នឹងធ្វើដំណើរលើចម្ងាយផ្លូវជាង ២៤០គីឡូម៉ែត្រ ឆ្លងកាត់ព្រំដែនពីទីក្រុងហូជីមិញ ប្រទេសវៀតណាម មកកាន់រាជធានីភ្នំពេញ នៃព្រះរាជាណាចក្រកម្ពុជា ដោយធ្វើការបើកបរឆ្លងកាត់ ផ្លូវជាក់ស្តែង ទាំងផ្លូវ នៅក្នុងទីក្រុងធំៗដែលមានចរាចរកកស្ទះ និងផ្លូវឆ្លងកាត់ក្រុងនានា។

ការប្រើប្រាស់សាំងត្រូវវាស់ នៅចំណុចផ្តាច់ព្រ័ត្រ នៅក្នុង​រាជធានីភ្នំពេញ ដោយក្រុមអ្នកជំនាញ មកពីក្រុមហ៊ុន AIM Control Global (ដែលជាក្រុមហ៊ុនប្រឹក្សាយោបល់ ឈានមុខគេមួយ នៅក្នុងប្រទេសវៀតណាម) រួមជាមួយនឹងបណ្ដាញសារព័ត៌មានវៀតណាម ដែលបានចូលរួម ធ្វើជាសាក្សីនៃ​ព្រឹត្តិការណ៍នេះ ទាំងនៅកន្លែងចេញដំណើរ និងនៅកន្លែងផ្តាច់ព្រ័ត្រ ជាមួយនឹងតំណាងសារព័ត៌មាននានា នៅក្នុងប្រទេសកម្ពុជាផងដែរ។

គោលបំណងនៃសកម្មភាពនេះ គឺដើម្បីលើកទឹកចិត្តអ្នកប្រើប្រាស់រថយន្ត អ៊ីស៊ីហ្ស៊ុ ឲ្យអនុវត្តវិធីសាស្រ្តបើកបរដោយការសន្សំសំចៃប្រេង នៅក្នុងជីវិតរស់នៅប្រចាំថ្ងៃរបស់ពួកគេ ហើយស្របពេលជាមួយគ្នានោះក៏ជួយបញ្ជាក់អះអាងអំពីរថយន្តម៉ាក «Isuzu»ថាជារថយន្តឈានមុខគេសម្រាប់ការសន្សំសំចៃប្រេង។

ក្រុមហ៊ុន អ៊ីស៊ូហ្ស៊ុ វៀតណាម បានធ្វើការរៀបចំព្រឹត្តិការណ៍ប្រកួតប្រជែងកម្មវិធី «ISUZU DIESEL CHALLENGE» សម្រាប់ការប្រកួតបើកបរជាលើកដំបូងនៅក្នុងឆ្នាំ2007 ដែលមានផ្លូវធ្វើដំណើរពីទីក្រុងហូជីមិញ ប្រទេសវៀតណាម ទៅកាន់ប្រទេសថៃ។ ក្នុងឆ្នាំនេះ ក្រុមហ៊ុនបានធ្វើការរៀបចំព្រឹត្តិការណ៍ ដូចគ្នាម្តងទៀត ដើម្បីធ្វើការបញ្ជាក់ពីភាពល្អប្រសើរ នៃប្រភេទរថយន្តភីកអាប់ម៉ាស៊ីនម៉ាស៊ូត ដែលមានកម្លាំងខ្លាំង និងសន្សំសំចៃប្រេង។

គោលបំណង នៃការប្រកួតបើកបរ គោលបំណងនៃការប្រកួតនេះ គឺដើម្បីធ្វើការបង្ហាញពីចំណុចគន្លឹះ នៃការសន្សំសំចៃប្រេងឥន្ធនៈ នៃប្រភេទរថយន្តភីកអាប់ «Isuzu D-Max» និងរថយន្តពហុបច្ចេកវិទ្យា​ដ៏ប្រណីតប្រភេទ «Isuzu MU-X» ដែលប្រភេទរថយន្តទាំងពីរមានកម្លាំងម៉ាស៊ីន ២.៥ និង ៣.០ Ddi និងដើម្បីធ្វើយុទ្ធនាការផ្សព្វផ្សាយ សម្រាប់អ្នកប្រើប្រាស់រថយន្ត នៅប្រទេសវៀតណាម និងប្រទេសកម្ពុជា ឲ្យមានការទទួលស្គាល់អំពីសារៈសំខាន់ នៃការប្រើប្រាស់ «ប្រេងឥន្ធនៈ» ឲ្យបានសមស្រប និងមានប្រសិទ្ធិភាពខ្ពស់។ បច្ចេកទេសបើកបរសន្សំ​សំចៃប្រេងឥន្ធនៈ ត្រូវបានអនុវត្តជាវិធីសាស្រ្តមួយ សម្រាប់ការបើកបរនៅតាមដងផ្លូវ​ ជាប្រចាំថ្ងៃ ដែលវាមិនត្រឹមតែជួយ ដល់ការសន្សំសំចៃការចំណាយផ្ទាល់​ខ្លួននោះទេ ប៉ុន្តែវាថែមទាំងជួយដល់ប្រទេសជាតិ ក្នុងការបន្ថយបរិមាណថាមពល ដែលត្រូវនាំចូល។

នៅចុងបញ្ចប់ នៃកម្មវិធីប្រណាំងការសន្សំសំចៃប្រេងឥន្ធនៈ របស់ ក្រុមហ៊ុន អ៊ីស៊ូហ្ស៊ុ ក៏នឹងធ្វើការអមដំណើរក្រុមប្រណាំង ទៅទស្សនាកន្លែងសំខាន់ៗមួយចំនួន និងធ្វើការរៀបចំកម្មវិធី «Isuzu-Heart & Smile» ដែលជាព្រឹត្តិការណ៍សប្បុរសធម៌​សម្រាប់ជនក្រីក្រ ដែលប្រារព្ធឡើងនៅវត្តហ៊ុងថាញ់ (Hung Tanh) ក្នុងទីក្រុងភ្នំពេញ ប្រទេសកម្ពុជា។

ក្រុមហ៊ុន អ៊ីស៊ូហ្ស៊ុ ដឹងច្បាស់ថា ដើម្បីសន្សំសំចៃ​ប្រេងឥន្ធនៈ ឲ្យមានប្រសិទ្ធិភាពខ្ពស់បំផុត អ្នកប្រើប្រាស់រថយន្ត មិនត្រឹមតែចាំបាច់ត្រូវ​ដឹង អំពីរបៀបនៃការជ្រើសរើសរថយន្ត ដែលសន្សំសំចៃប្រេងសាំងនោះទេ ប៉ុន្តែពួកគេក៏ត្រូវដឹងអំពីការប្រើប្រាស់ បច្ចេកទេសនៃការបើកបរ ប្រកបដោយប្រសិទ្ធិភាព ធ្វើជាគោលការណ៍ សម្រាប់ការបើកបរនៅតាមដងផ្លូវ ជាប្រចាំថ្ងៃរបស់ពួកគេផងដែរ។ បន្ថែមពីលើការរចនាបច្ចេកទេសកាត់បន្ថយកម្លាំង សម្ពាធខ្យល់ (aerodynamic) របស់ក្រុមហ៊ុនអ៊ីស៊ូហ្ស៊ុ និងម៉ាស៊ីនម៉ាស៊ូតដែលមានថាមពល និងសន្ទុះខ្លាំងនោះ ទាំងប្រភេទរថយន្តភីកអាប់ «Isuzu D-Max» និងប្រភេទរថយន្ត​ពហុបច្ចេកទេសដ៏ប្រណីត «Isuzu MU-X» គឺមានលក្ខណៈ «ច្នៃម៉ូតពិសេសផ្នែក​ខាងក្នុងរបស់អ៊ីស៊ូហ្ស៊ុ» ជាមួយបច្ចេកវិទ្យាទំនើបរួមបញ្ចូលគ្នា ទៅក្នុងរថយន្តយន្ត Isuzu។

បច្ចេកវិទ្យានេះ មានសមត្ថភាពក្នុងការវិភាគ ទៅលើទិដ្ឋភាពចំនួន ៥ នៃអាកប្បកិរិយាបើកបរ​របស់អ្នកប្រើប្រាស់ ដែលរួមមាន ល្បឿន កម្រិតការប្រើប្រាស់ប្រេងឥន្ធនៈ មុខងារម៉ាស៊ីនបញ្ឆេះនៅស្ងៀម មុខងារម៉ាស៊ីនវិលទៅមុខ មុខងារហ្វ្រាំង និងមុខងារឈ្នាន់ល្បឿន។ លទ្ធផលនានាត្រូវបានសង្ខេប ជូននៅក្នុងតារាងរបាយការណ៍ បើកបររបស់អ៊ីស៊ូហ្ស៊ុ មានទម្រង់ជាតារាង​រ៉ាដា សម្រាប់ឲ្យមានភាពងាយស្រួល​ក្នុងយល់ដឹង ការផ្តល់ជូនការណែនាំសម្រាប់ អ្នកប្រើប្រាស់យានយន្ត ដើម្បីលើកកម្ពស់អាកប្បកិរិយា នៃការបើកបររបស់ពួកគេ សម្រាប់ការសន្សំសំចៃ ប្រេងឥន្ធនៈបន្ថែមទៀត និងការបើកបរប្រកបដោយសុវត្ថិភាព និងប្រសិទ្ធិភាពស្របទៅមុខងារពេញលេញ របស់រថយន្ត៕
​