(ភ្នំពេញ)៖ ក្រុមហ៊ុន Obsidian គឺជាក្រុមហ៊ុនដែលជំនាញខាងព្យាបាលសក់ខូច ដែលមានឈ្មោះល្បីជាយូរមកហើយ ដែលមានប្រភពដើមពីប្រទេសកូរ៉េ  គ្រោងនឹងបន្ដចុះចែកផលិតផល ដល់សិស្សសាលា ឲ្យគ្រប់សាកលវិទ្យាល័យនៅ​កម្ពុជា។

នៅព្រឹកថ្ងៃទី០៧ ខែមីនា ឆ្នាំ២០១៧ ក្រុមហ៊ុន Obsidian បានបន្ដចុះចែកផលិតផលរបស់ខ្លួន ដល់និស្សិតសាកលវិទ្យាល័យ​អន្ដរជាតិចំនួនជាង១ពាន់នាក់ ដែលចូលរួមថតរូបជាមួយកញ្ញា ជីជី និងបានផុសចូលក្នុងបណ្ដាញសង្គម Facebook។

កញ្ញា ជីជី តារាសម្ដែងល្បីប្រចាំកម្ពុជា បានថ្លែងឲ្យដឹងថា «ក្រុមហ៊ុន Obsidian នៅតែបន្ដចែកចាយផលិតផល ដល់និស្សិតតាមសាក​វិទ្យាល័យ ទាំងអ​ស់នៅកម្ពុជា ហើយ កន្លងមកយើងបានប្រារព្ធកម្មវិធីសប្បាយនេះ តាមសាកលវិទ្យាល័យចំនួន២ហើយ ដែលរួមមានវិទ្យាស្ថានវ៉ាន់ដា សកលវិទ្យាល័យភ្នំពេញអន្ដរជាតិ និងទី៣ គឺសាកលវិទ្យាល័យអន្ដរជាតិនេះតែម្ដង»

កញ្ញាបន្ដទៀតថា កន្លងមកក្រោយពីធ្វើកម្មវិធីនេះ នៅតាមបណ្ដាសាកវិទ្យាល័យនានាមកយើងឃើញថា អតិថិជនគាំទ្រច្រើនពីផលិតផល Obsidian នេះ និងលាន់មាត់សរសើរថា ជាផលិតផលល្អ មានគុណប្រយោជន៍ច្រើនយ៉ាង តម្លៃសមរម្យទៀតផង។

កញ្ញា ជីជី បានថ្លែងឲ្យដឹងថា «កម្មវិធីថ្ងៃនេះ ធ្វើឡើងក្នុងគោលបំណងចែកជូនកាដូ Obsidian ដល់និស្សិត​ទាំងអស់ ដែលបានថតរូបជាមួយនាងខ្ញុំ ហើយ Post ចូលក្នុងបណ្ដាញសង្គម Facebook ហើយសម្រាប់អ្នកដែលទទួលបានការ Like Share ច្រើនជាងគេនឹងទទួលបានកាដូធំ ពីក្រុមហ៊ុន Obsidian ទៀតផង»

សូមបញ្ជាក់ថា ការចែកជូនផលិតផល Obsidian ទៅដល់និស្សិត តាមសាកលវិទ្យាល័យនេះ ធ្វើឡើងដើម្បីឲ្យនិស្សិតទាំងអស់ ស្គាល់​ពី​ផលិតផល Obsidian ក៏ដូចជាណែនាំដល់និស្សិតផ្សេងទៀត ឲ្យជួយជាវ​ផលិតផលនេះ៕