(ភ្នំពេញ)៖ លោកស្រី អ៊ុក ដារ៉ា សូមបំភ្លឺជុំវិញ ការចោលដុំថ្មដើម្បីការពារខ្លួន ជាមួយនឹងអ្នកជិតខាង ដែលមានសមាជិក៣នាក់ ដែលជេរប្រមាថ និងប្រើសកម្មភាពផ្សេងៗមកលើខ្លួន។ បន្ទាប់ពីការចោលដុំថ្ម របស់លោកស្រី អ៊ុក ដ៉ារា ដើម្បីការពារខ្លួនជាមួយនឹងសមាជិក៣នាក់នោះ ដែលកើតឡើង នៅថ្ងៃទី២៩ ខែមីនា ឆ្នាំ២០១៧ ដែលត្រូវបានឈ្មោះ Samphors zuzu បានបង្ហោះទៅលើ Facebook ដោយចោទប្រកាន់ទៅលើលោកស្រី អ៊ុក ដ៉ារា ជាមនុស្សប្រើប្រាស់អំណាច ធ្វើបាបប្រជាជនក្រីក្រ ។

លោកស្រី អ៊ុក ដារ៉ា បានលើកឡើងថា នេះមិនមែនជាលើកទី១ទេ​លើទំនាស់ដ៍រាំរ៉ៃមួយនេះ ដែលក្មេងស្រីម្នាក់ឈ្មោះនៅក្នុង Facebook. Samphors zuzu បានប្រើប្រាស់សេរីភាពតាមប្រព័ន្ធបណ្តាញសង្គម បើកការជេរប្រមាថមិនសំចៃមាត់ ដែលទង្វើនេះមិនត្រឹមរំលងលើ សីលធម៌សង្គមទេ ប៉ុន្តែវាក៍បានបំពានលើច្បាប់ និងសិទ្ធិបុគ្គលផងដែរ។ ជាមួយនោះផងដែរ លោកស្រី អ៊ុក ដារ៉ា បានលើកឡើងថា ទំនាស់រូបគាត់ជាមួយអ្នកជិតខាង មិនឃើញអាជ្ញាធរចេញមុខមកជួយដោះស្រាយនោះទេ បើទោះបីមានសាលក្រមតុលាការកំពូលក៏ដោយ។

គួរបញ្ជាក់ថា ទំនាស់ក្នុងការជួសជុលផ្ទះខាងលើនេះ គឺមានលំនៅឋានជាប់គ្នា និងលើ​ក្រោម ដែលស្ថិតនៅផ្ទះលេខ២៩E1​ ផ្លូវ៥៥៨​ ក្រុម៣៧​ សង្កាត់បឹងកក់១​ ខណ្ឌទួលគោក​ រាជធានីភ្នំពេញ។

សូមស្ដាប់ឃ្លីបវីដេអូ បំភ្លឺរបស់លោកស្រី អ៊ុក ដារ៉ាជុំវិញករណីខាងលើនេះ៖