(ភ្នំពេញ)៖ ម្ចាស់រថយន្តធុនយក្ស២គ្រឿង ដែលដឹកឈើ ដែលត្រូវសមត្ថកិច្ចចាប់ឃាត់នៅក្នុងខេត្តត្បូងឃ្មុំ កាលពីល្ងាចម្សិលមិញ បានអះអាងថា ឈើរបស់ខ្លួនជាឈើមានច្បាប់ប្រើប្រាស់ក្នុងស្រុក ហើយជាប្រភេទឈើលេខ១ មិនមែនឈើប្រណិតនោះទេ។
តំណាងម្ចាស់ឈើបានអះអាងថា ក្រុមហ៊ុនរបស់ខ្លួនដែលមានច្បាប់អនុញាតពីរដ្ឋបាលព្រៃឈើ បានដឹកឈើប្រភេទលេខ១ ចំនួន២រថយន្ត ស្មើជាង៣០ម៉ែត្រគូប ចេញពីខេត្តស្ទឹងត្រែង ឆ្ពោះទៅស្រុកពញាក្រែក ខេត្តត្បូងឃ្មុំមួយគ្រឿង និងមួយគ្រឿងទៀតដឹកយកទៅស្រុកកោះសូទិន ខេត្តកំពង់ចាម។
ខាងក្រោមនេះជាច្បាប់អនុញាតដឹកឈើលេខ១ និងលិខិតវាស់វែងរបស់មន្ត្រីរដ្ឋបាលព្រៃឈើខេត្តស្ទឹងត្រែង៖
