(ពិភពលោក)៖ នៅថ្ងៃទី២៣ ខែមីនានេះព្រឹត្តិការណ៍អន្តរជាតិសំខាន់ៗជាច្រើនបានកើតឡើង ជាពិសេសនោះគឺការវាយប្រហារភេរវកម្មនៅកណ្ដាលទីក្រុងឡុងដ៍ប្រទេសអង់គ្លេស។ ចង់ដឹងថា តើព្រឹត្តិការណ៍នៃរូបភាពសំខាន់ៗមានអ្វីខ្លះ សូមទស្សនារូបភាពនានា ដូចខាងក្រោម៖
១៖ ប៉ូលិសអង់គ្លេសបានចាប់ខ្លួនមនុស្ស ០៧នាក់ នៅក្នុងក្របខណ្ឌនៃការស៊ើបអង្កត ជុំវិញការវាយប្រហារភេរវកម្ម នៅកណ្ដាលទីក្រុងឡុងដ៍កាលពីថ្ងៃពុធ!
២៖ អង្គការណាតូបញ្ចូនរថក្រោះ, កាំភ្លើងធំស្វ័យប្រវត្តិ, និងបរិក្ខាយោធាទំនើបៗ ជាច្រើនគ្រឿងទៅកាន់អេស្តូនី ដើម្បីធ្វើសមយុទ្ធយោធាបង្ហាញសាច់ដុំដាក់ទីក្រុងមូស្គូ!
៣៖ នៅឯសហរដ្ឋអាមេរិក មន្រ្តីប៉ូលិសម្នាក់ និងមនុស្សបីទៀត បានបាត់បង់ជីវិតនៅក្នុងហេតុការណ៍បាញ់ប្រហារកើតចេញពីការឈ្លោះប្រកែកគ្នា នៅភាគខាងជើងរដ្ឋ Wisconsin!
៤៖ រដ្ឋមន្ត្រីការបរទេសអាមេរិក លោក រិច ធីល្លឺសុន មិនមានបំណងចង់ធ្វើ ជារដ្ឋមន្ត្រីការបរទេសអាមេរិកនោះទេ ប៉ុន្តែប្រពន្ធរបស់លោកអ្នកចង់ឲ្យធ្វើ!
៥៖ កូរ៉េខាងជើងរងការចោទប្រកាន់ថាបានលួចលុយ ៨១លានដុល្លារ ពីគណនីធនាគារកណ្ដាលបង់ក្លាដែស នៅឯធនាគារកណា្ដលអាមេរិក Fed ក្នុងទីក្រុងញូយ៉កដោយការហេក!
៦៖ កូរ៉េខាងជើងបានថ្កោលទោសជប៉ុន យ៉ាងចាស់ដៃ ចំពោះការបាញ់បង្ហោះផ្កាយរណបស៊ើបការណ៍សម្ងាត់មកលើទីក្រុងព្យុងយ៉ាង!
៧៖ ក្រុមភេរវករ ISIS បានចេញមុខអះអាងថាជាអ្នករៀងចំគំរោងវាយប្រហារដ៏កក្រើកនៅទីក្រុងឡុងដ៍ បន្ទាប់ពីនាយករដ្ឋមន្រ្តីអង់គ្លេសលោកស្រី Theresa May បានថ្លែងសុន្ទរកថានៅក្នុងសភាឆ្លើយតបចំពោះអំពើភេរវកម្មដ៏ខ្មៅងងឹតនេះ៕
