(ក្រចេះ)៖ កុមារាអាយុ៧ឆ្នាំម្នាក់ បានធ្លាក់ចូលក្នុងទឹកស្រះក្បែរផ្ទះ បណ្តាលឲ្យលង់ទឹកស្លាប់ កាលពីរសៀលថ្ងៃទី២២ ខែមីនា ឆ្នាំ២០១៧ម្សិលមិញនេះ នៅចំណុចភូមិសង្គម ឃុំសណ្ដាន់ ស្រុកសំបូរ ខេត្តក្រចេះ ។
សមត្ថកិច្ចបានឲ្យដឹងថា កុមារារងគ្រោះខាងលើនេះ ឈ្មោះ ហួយ សុខខា អាយុ៧ឆ្នាំ មានទីលំនៅភូមិសង្គម ឃុំសណ្ដាន់ ស្រុកសំបូរ ខេត្តក្រចេះ បានលង់ទឹកស្រះបណ្ដាលឲ្យស្លាប់។
បច្ចុប្បន្នសាកសព បន្ទាប់ពីកម្លាំងនគរបាល បានពិនិត្យឃើញថាពិតជាលង់ទឹកស្រះស្លាប់មែនហើយ ក៏បានធ្វើកំណត់ហេតុប្រគល់ឲ្យទៅក្រុមគ្រួសារ ធ្វើបុណ្យតាមប្រពៃណី៕
