(ភ្នំពេញ)៖ ថ្មីមិនធ្លាប់មាន! ក្រុមហ៊ុនភ្នំពេញ អថូម៉ូប៊ីល ត្រេនស្ព័ត ហៅកាត់ថា ភ្នំពេញតាក់ស៊ី ជាក្រុមហ៊ុនថ្មីមួយដែលបានបង្កើតឡើងដើម ឆ្នាំ២០១៧។ ក្រុមហ៊ុនភ្នំពេញតាក់ស៊ី ជាប្រភេទតាក់ស៊ីម៉ែត្រ មួយដែលផ្តល់តម្លៃពិសេសសម្រាប់កម្មវិធីប្រូម៉ូសិនខែដំបូង ជាមួយតម្លៃ ១៣០០រៀល/មួយគីឡូម៉ែត្រ ដែលជាតម្លៃមួយទាបបំផុត សម្រាប់អ្នកនិយមប្រើប្រាស់សេវាកម្មតាក់ស៊ីម៉ែត្រ ចាប់ពីថ្ងៃទី២០ ខែមីនានេះតទៅ។ មិនតែប៉ុណ្ណោះក៏ជាហេតុមួយជំរុញឲ្យប្រជាពលរដ្ឋ ក្នុងរាជធានីភ្នំពេញ អាចសាកល្បងជាមួយសេវាកម្ម របស់ក្រុមហ៊ុននេះផងដែរ។
លោក ថៃ សីលា (អគ្គនាយកក្រុមហ៊ុន) ក៏បានបន្ថែមទៀតថា ក្រុមហ៊ុនភ្នំពេញតាក់ស៊ី ចង់ឲ្យសេវាកម្មតាក់ស៊ីម៉ែត្រ មានការរីកចម្រើនបន្ថែមទៀត ជាមួយនឹងតម្លៃធូរថ្លៃដោយសមស្របជាមួយកត្តាជីវភាព និងសេដ្ឋកិច្ចទីផ្សារ។ សព្វថ្ងៃនេះតាក់ស៊ីម៉ែត្រក្នុងរាជធានីភ្នំពេញ មិនទាន់ទូលាយសម្រាប់ការផ្តល់សេវាកម្មជូនភ្ញៀវនៅឡើយ ដោយហេតុនេះហើយទើបក្រុមហ៊ុនភ្នំពេញតាក់ស៊ី បានចាប់ផ្កើមដំណើរការជាមួយ តម្លៃដ៏សមរម្យបំផុតសម្រាប់ប្រជាពលរដ្ឋ ហើយក្រុមហ៊ុនភ្នំពេញតាក់ស៊ី ក៏កំពុងស្វែងរកអ្នកបើកបរជាច្រើនរូបទៀតដែរ ដើម្បីបំពេញតម្រូវការទីផ្សារ។
ក្រុមហ៊ុនភ្នំពេញតាក់ស៊ី យើងខ្ញុំផ្តល់សេវាកម្ម២៤ម៉ោង យ៉ាងរហ័សទាន់ចិត្តជូនអតិថិជន ហើយម៉្យាងវិញទៀត រាល់អ្នកបើកបរទាំងអស់ សុទ្ធតែមានបទពិសោធន៏ខ្ពស់ក្នុងការបើកបរ ព្រមទាំងរួសរាយរាក់ទាក់ និងធានាផ្តល់សុវត្តិភាពខ្ពស់ជូនអ្នកដំណើរទាំងអស់គ្នា។
សម្រាប់ព័ត៌មានបន្ថែម៖ 087 887 944
សម្រាប់ការកក់ឡាន សូមទាក់ទង៖ 023/ 093 91 1111
