(កណ្តាល)៖ តំណាងលោក ម៉ក់ ពេជ្ជរិទ្ធ អនុប្រធានទី១ចុះជួយស្រុកកៀនស្វាយ គឺលោក ឃុន ស៊ីម៉ន ក្រុមការងារចុះជួយភូមិកោះតូច ឃុំឈើខ្មៅ ស្រុកកោះធំ ខេត្តកណ្តាល បានចុះជួបសំណេះសំណាល សាកសួរសុខទុក្ខ និងចែកអំណោយជូនដល់ប្រជាពលរដ្ឋចំនួន១៨០គ្រួសារ នៅថ្ងៃទី១៨ ខែមីនា ឆ្នាំ២០១៧។
នៅក្នុងឱកាសចុះសួរសុខទុក្ខ ដោយមានការចែកអំណោយនូវមី ព្រមទាំងបានផ្តល់ថវិកា និងវ៉ែនតា ដល់ក្រុមការងារភូមិ ផងដែរជាច្រើននាក់ទៀតផងដែរ។
នៅក្នុងឱកាសនោះ ក្រុមការងារបានផ្តាំផ្ញើការសួរសុខទុក្ខពីលោក ម៉ក់ ពេជ្ជរិទ្ធ ដែលជាប្រតិភូរាជរដ្ឋាភិបាល ទទួលបន្ទុកជាអគ្គនាយកកាំកុងត្រូល តែងតែចាត់ឲ្យមន្រ្តីក្រោមឱវាទ នាំយកអំណោយទៅចែកជូនប្រជាពលរដ្ឋ តាមមូលដ្ឋានរបស់ខ្លួន និងស្វែងយល់ការលំបាក ព្រមទាំងជួយដោះស្រាយបញ្ហារបស់ពួកគាត់ផងដែរ តាមលទ្ធភាពជាក់ស្តែង៕
