(ភ្នំពេញ)៖ ក្រុមហ៊ុន Panasonic នៅរសៀលថ្ងៃទី១៣ ខែមីនា ឆ្នាំ២០១៧ បានចាប់ផ្ដើមដាក់ឲ្យដំណើរការលក់ម៉ាស៉ីន​ត្រជាក់ម៉ាក AERO Series ថ្មី នៅលើទីផ្សារកម្ពុជា ដោយមានក្ដីសង្ឃឹមយ៉ាងមុតមាំថា នឹងមានការគាំទ្រច្រើន ​ពីសំណាក់អតិថិជន។

ម៉ាស៊ីនត្រជាក់ AERO Series ជាប្រភេទម៉ាស៊ីនត្រជាក់ ព្យូរជញ្ជាំង ម៉ូឌែលចែកតែមួយ (Single-split) និងម៉ូឌែលចែកជាច្រើន (Multi-split) ដែលជាប្រភេទម៉ាស៊ីត្រជាក់ ដែលប្រកបដោយផាសុខភាព មានភាពត្រជាក់ស្រួល មានបន្ទះបិទបើក ដែលអាច​តម្រង់ទិសខ្យល់ត្រជាក់ ទៅរកពិដាន និងធ្វើឲ្យខ្យល់ត្រជាក់ សាយភាយពេញបន្ទប់។

លោក Hidehiko kondo នាយកគ្រប់គ្រងក្រុមហ៊ុន Panasonic បានថ្លែងឲ្យដឹងថា សម្រាប់ម៉ាស៊ីន AERO Series មានលក្ខ​ណៈពិសេស ប្រកបដោយផាសុខភាព និងភាពត្រជាក់ខ្លាំង។

លោកថា កាលពីឆ្នាំមុនម៉ាស៊ីនត្រជាក់ម៉ាក Panasonic នេះមានការ​គាំទ្រខ្លាំង លក់បានរហូតដល់៦ពាន់គ្រឿងក្នុង១ខែ ហើយសម្រាប់ ម៉ាស៊ីនត្រជាក់ម៉ាក់ថ្មីនេះ យើងនៅតែសង្ឃឹមថា ​មានការគាំទ្រខ្លាំង​​ដូចម៉ាស៊ីនត្រជាក់មុនៗដែល។

លោកបានបន្ដថា «យើងនឹងខិតខំស្រាវជ្រាវ រកបច្ចេកវិទ្យាថ្មីៗ ជាបន្ដបន្ទាប់ដើម្បីបំពេញតាមតម្រូវការ របស់អតិថិជន ដែលកំពុង​មានការ កើនឡើង សម្រាប់ម៉ាស៊ីនត្រជាក់ ដែលមានភាពងាយស្រួលប្រើប្រាស់ រចនាម៉ូដបានល្អ និងមានតម្លៃសមរម្យ។ ម៉ាស៊ីន​ត្រជាក់ប្រភេទ SKY series និង AERO series អាចជួយឲ្យអតិថិជន គ្រប់គ្រង់ខ្យល់បក់ បានកាន់តែប្រសើរជាងមុន ដើម្បីធ្វើឲ្យ​កន្លែងរស់នៅកាន់តែ មានភាពទាក់ទាញ និងគួរឲ្យចង់រស់នៅ»។

សូមបញ្ជាក់ថា ម៉ាស៊ីនត្រជាក់ ម៉ាក AERO series ជាប្រភេទម៉ាស៊ីនត្រជាក់ ដែលផ្ដល់ជូននូវការគ្រប់គ្រងខ្យល់បក់ ដែលអាចបត់​បែនបានទាំងស្រុង នៅកម្រិតភាពត្រជាក់, ការរចនាម៉ូដពណ៌ថ្លាដូចគុជខ្យង, មានកម្រាសស្ដើងជាងមុនរហូតដល់៣៧មីលីម៉ែត្រ អនុភាពត្រជាក់ រួមបញ្ជូលនូវបច្ចេកវិទ្យា P-Tech សម្រាប់ជួយឲ្យត្រជាក់បានឆាប់រហ័ស៕