(ភ្នំពេញ)៖ ដើម្បីអបអរសាទរទិវាសិទ្ធនារី អន្ដរជាតិ ៨មីនា ឆ្នាំ២០១៧នេះ ក្រុមហ៊ុនផលិតផល «Obsidian» បានចុះចែកផលិតផលថែរក្សាសក់ និងស្បែក ដល់និស្សិតសាកល វិទ្យាល័យ ភ្នំពេញអន្តរជាតិ (PPIU) ជាង១ពាន់នាក់ នៅព្រឹកថ្ងៃទី០៧ ខែមីនា ឆ្នាំ២០១៧នេះ ក្នុងនោះក៏មានការចូលរួមថតរូប ជាមួយ តារាសម្ដែង និងជាពិធីការិនី ដ៏ល្បី គឺកញ្ញា ពេជ្រ សូលីដា ហៅ ជីជី ដើម្បីបង្ហោះចូលទៅក្នុង Facebook Page របស់ផលិតផល ខាងលើនេះផងដែរ។
កញ្ញា ជីជី តារាសម្ដែងល្បីប្រចាំកម្ពុជា បានថ្លែងឲ្យដឹងថា «កម្មវិធីថ្ងៃនេះ ធ្វើឡើងក្នុងគោលបំណង ចែកជូនកាដូ Obsidian ដល់និស្សិតទាំងអស់ ដែលបានថតរូបជាមួយនាងខ្ញុំ ហើយ Post ចូលក្នុងបណ្ដាញសង្គម Facebook។ កន្លងមកយើងតែងតែប្រារព្ធ កម្មវិធីនេះឡើងតាមសាកលវិទ្យាល័យនានា ហើយនេះ គឺជាសាកលវិទ្យាល័យទី២ហើយ ដែលយើងបានប្រារព្ធកម្មវិធីចែកកាដូរ ដល់និស្សិតដោយឥតគិតថ្លៃ យើងគ្រោងនឹងបន្ដធ្វើការចែកជូន នៅតាមបណ្ដាសាកវិទ្យាល័យនានា ថែមទៀត!»។
ស្រីស្រស់ ជីជី បន្ថែមថា «ការចែកជូនផលិតផល Obsidian ទៅដល់និស្សិត តាមសាកលវិទ្យាល័យនេះ ធ្វើឡើងដើម្បីឲ្យនិស្សិតទាំងអស់ ស្គាល់ពីផលិតផល Obsidian ក៏ដូចជាណែនាំដល់និស្សិតផ្សេងទៀត ឲ្យជួយជាវផលិតផលនេះ។ មួយវិញទៀតដើម្បីបង្ហាញផលិតផល ឲ្យបានទូលំទូលាយ ហើយអ្វីដែលកាន់តែពិសេស ជាងនេះទៅទៀតនោះ គឺដើម្បីអបអរសារទរ ទិវាសិទ្ធនារីអន្ដរជាតិ ៨មីនា ផងដែរ»។
ជាចុងក្រោយ កញ្ញាបានឲ្យដឹងបន្ដទៀតថា «ក្នុងឱកាសនេះដែរ ខ្ញុំពិតជាមានអារម្មណ៍សប្បាយចិត្ត ដែលបានថតរូបជាមួយនិស្សិត ព្រមទាំងថ្លែងអំណរគុណ និងណែនាំឲ្យនិស្សិតទាំងអស់ ឲ្យបន្ដគាំទ្រ នៅផលិតផល Obsidian បន្ដទៀត ព្រោះ Obsidian ជាផលិតផលថែរក្សាសក់ ថែរក្សាស្បែក បានល្អដែលនាំចូលពីប្រទេសកូរ៉េ!»៕
