(ភ្នំពេញ)៖ ក្រសួងឧស្សាហកម្ម និងសិប្បកម្ម បានរៀបចំពិធីអបអរសាទរ ខួបលើកទី១០៦ ទិវាសិទ្ធនារីអន្តរជាតិ ក្រោមអធិបតីភាព លោក គឹម ទូច រដ្ឋលេខាធិការក្រសួងឧស្សាហកម្ម និងសិប្បកម្ម តំណាងឲ្យលោកទេសរដ្ឋមន្ត្រី ចម ប្រសិទ្ធ និងលោកស្រី ឃឹម ចំរើន រដ្ឋលេខាធិការក្រសួងកិច្ចការនារី តំណាងលោកស្រី អ៊ឹង កន្ថាផាវី រដ្ឋមន្ត្រី ក្រសួងកិច្ចការនារី នាទីស្តីការក្រសួងឧស្សាហកម្ម និងសិប្បកម្ម នាសៀលថ្ងៃទី០៦ ខែកុម្ភៈ ឆ្នាំ២០១៧ បានរៀបចំកម្មវិធី អបអរសាទរខួបទី១០៦ ទិវាសិទ្ធិនារីអន្តរជាតិ។
ពិធីនេះ ត្រូវបានអញ្ជើញចូលរួមយ៉ាងច្រើនកុះករ ពីសំណាក់ថ្នាក់ដឹកនាំ បងប្អូនបុគ្គលិក និងមន្ត្រីរាជការជាស្ត្រី មកពីបណ្តាអង្គភាពនានា ក្រោមឱវាទក្រសួងឧស្សាហកម្ម និងសិប្បកម្ម។
ខួបអនុស្សាវរីយ៍លើកទី១០៦ ទិវាអន្តរជាតិនារី ៨ មីនា ឆ្នាំ២០១៧ នេះត្រូវប្រារព្ធធ្វើឡើង ក្រោមប្រធានបទ «ស្រ្តីដើម្បីសុខសន្តិភាព និងវឌ្ឍនភាព»។
ក្រៅពីការជួបជុំប្រារព្ធពិធីអបអរសាទរនេះ ក្រសួងក៏បានរៀបចំឲ្យមានដំណើរកំសាន្ត សម្រាប់បងប្អូនបុគ្គលិក និងមន្ត្រីរាជការជាស្រី្ត ទៅកាន់ខេត្តព្រះសីហនុ នៅថ្ងៃទី០៧ មីនា រយៈពេលមួយយប់ ពីរថ្ងៃផងដែរ៕
