(កំពង់ចាម)៖ ​ក្រោមអាកាសធាតុក្តៅបន្តិច ប៉ុន្តែការប្រកួតវគ្គជម្រុះ Tiger Street Football Festival 2017 មណ្ឌលកំពង់ចាម នៅតែបន្តដោយរលូននិងជម្រុះអស់២៨ក្រុម ហើយ ជាមួយអ្នកគាំទ្រយ៉ាងច្រើនកុះករនៅមុខ សាលាគរុកោសល្យភូមិភាគខេត្តកំពង់ចាម។

សម្រាប់នៅសល់២៨ក្រុមទៀត ត្រូវធ្វើការប្រកួតបន្តព្រឹកថ្ងៃទី៥ ដែលជាវគ្គពាក់កណ្តាលផ្តាច់ព្រ័ត្រ ដើម្បីជ្រើសរើស ក្រុមដែលឈ្នះ ឆ្ពោះទៅកាន់វគ្គផ្តាច់ព្រ័ត្រនៅពេលល្ងាចថ្ងៃដដែរ បន្ទាប់មកនិងធ្វើការប្រកួត បន្តក្នុងការដណ្តើមយក លេខ១នៅក្នុងតំបន់ ដែលនិងទទួលបានរង្វាន់ទឹកប្រាក់ ចំនួន១,៥០០ដុល្លារ, លេខ២ ទឹកប្រាក់១,០០០ដុល្លារ, លេខ៣ ទឹកប្រាក់៥០០ដុល្លារ និងលេខ ៤ទទួលបាន២០០ដុល្លារ។

ហើយនៅមណ្ឌលកំពង់ចាមនេះ ត្រូវការ ៦ក្រុម ដើម្បីទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅមជ្ឈមណ្ឌល កោះពេជ្រ រាជធានីភ្នំពេញថ្ងៃទី១២ មីនា នៃពានរង្វាន់ Tiger Street Football Festival 2017 ដែលប្រាក់រង្វាន់កាន់តែច្រើនអស្ចារ្យ រហូតដល់ទៅ១៥,០០០ដុល្លារ។

លើសពីនោះ ក្រោយចប់ការប្រកួត ក៏មានការប្រគំតន្រ្តីខ្នាតយក្ស ដោយមានការចូលរួមសម្តែងពីកំពូលតារាចម្រៀងល្បីៗ ដូចជា លោក ខេមរះសិរីមន្ត ,លោក ឆាយ វិរះយុទ្ធ, អ្នកនាង ពេជ្រសោភា, លោក ឆន សុវណ្ណារាជ, កញ្ញាទេព បូព្រឹក្ស, កញ្ញា សុខ សីឡាលីន, កញ្ញា សួស វិហ្សា, លោក ដេវិដ, កញ្ញា វីឌីណែត, និងលោក នាងប្រាក់សុគន្ធ ហើយនិងមានការផ្សាយ បន្តផ្ទាល់ពីស្ថានីយ៍ទូរទស្សន៍ រស្មីហង្សមាស ចាប់ពីម៉ោង៨ដល់ ម៉ោង១១យប់ ដែលជាការបៀបចំរបស់ ក្រុមហ៊ុនស្រាបៀរ Tiger ៕