(តាកែវ)៖ នៅយប់ថ្ងៃទី០៦ ខែមីនា ឆ្នាំ២០១៧ មានករណីគ្រោះថ្នាក់មួយ បានកើតឡើងនៅតាមបណ្តោយផ្លូវជាតិលេខ២ ស្ថិតក្នុងភូមិត្រើយទម្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ បណ្ដាលឲ្យមន្រ្តីគយចល័តច្រកទ្វារភ្នំដិនម្នាក់ ស្លាប់បាត់បង់ជីវិតនៅនឹងកន្លែង។

សមត្ថកិច្ចមូលដ្ឋានបានឲ្យដឹងថា រថយន្តរងគ្រោះម៉ាក់ នីសាន់ ណាវ៉ារ៉ា ពាក់ស្លាកលេខ ភ្នំពេញ​ 2W-4679 បើកបរដោយ ឈ្មោះ អ៊ី សុខុម អាយុ៥៣ឆ្នាំ​ជាមន្ត្រីគយប្រចាំការនៅភូមិត្រើយទម្លាប់ រស់នៅភូមិចមការឪឡឹក សង្កាត់កាកាប ខណ្ឌពោធិ៍សែនជ័យ។

មន្រ្តីដដែលបានបន្តថា មូលហេតុគ្រោះថ្នាក់ខាងលើនេះ ដោយសារម្ចាស់រថយន្តបើកបរ មិនប្រយ័ត្នក្រឡាប់ដោយខ្លួនឯង បណ្តាលឲ្យស្លាប់នៅនឹងកន្លែងកើតហេតុ។ បច្ចប្បន្ន ក្រុមគ្រួសារបានយកសពទៅធ្វើបុណ្យតាមប្រពៃណី នៅគេហដ្ឋាន៕