(ភ្នំពេញ)៖ ក្រសួងបរិស្ថាន និងទីភ្នាក់ងារសហប្រតិបត្តិការអន្តរជាតិជប៉ុន (JICA) នឹងរៀបចំកម្មវិធី ចុះហត្ថលេខាលើកិច្ច ព្រមព្រៀងគម្រោង «ជួយដល់ការអនុវត្តប្រកបដោយប្រសិទ្ធភាព នូវការវាយតម្លៃហេតុប៉ះពាល់បរិស្ថាន និងការត្រួតពិនិត្យការ បំពុលបរិស្ថាន តាមរយៈការអភិវឌ្ឍសមត្ថភាពនៃក្រសួងបរិស្ថាន» នៅម៉ោង២៖០០រសៀល ថ្ងៃទី៦ ខែមីនា ឆ្នាំ២០១៧ នៅទីស្តីការក្រសួងបរិស្ថាន។
គម្រោង «ជួយដល់ការអនុវត្តប្រកបដោយប្រសិទ្ធភាព នូវការវាយតម្លៃហេតុប៉ះពាល់បរិស្ថាន និងការត្រួតពិនិត្យការ បំពុល បរិស្ថាន តាមរយៈការអភិវឌ្ឍសមត្ថភាពនៃក្រសួងបរិស្ថាន» សម្រាប់ជួយដោះស្រាយបញ្ហាបរិស្ថាន នៅ៣ឆ្នាំកន្លះខាងមុខ នូវតម្រូវការផ្នែកសមត្ថភាពស្ថាប័ន និងសមត្ថភាពបច្ចេកទេសរបស់ក្រសួងបរិស្ថាន និងដើម្បីធ្វើឱ្យប្រសើរឡើងនូវប្រសិទ្ធភាព នៃការអនុវត្តការងារវាយតម្លៃហេតុផលប៉ះពាល់បរិស្ថាន និងត្រួតពិនិត្យការបំពុលនៅកម្ពុជា។
គម្រោងសហប្រតិបត្តិការនេះ ត្រូវបានរំពឹងថា នឹងទទួលបាននូវការពង្រឹងសមត្ថភាពរបស់អគ្គនាយកដ្ឋានគាំពារបរិស្ថាន (GDEP) ដើម្បីសម្រេចបាននូវភារកិច្ចរបស់ខ្លួន និងការបង្កើតការកែលម្អ និងចែករំលែកទៅដល់អ្នកពាក់ព័ន្ធនូវឯកសារច្បាប់បចេ្ចកទេស និងនីតិវីធីនានាពាក់ព័ន្ធនឹងការវាយតម្លៃហេតុប៉ះពាល់បរិស្ថាន និងការត្រួតពិនិត្យការបំពុលបរិស្ថាន៕
