(ក្រចេះ)៖ កម្លាំងនគរបាលក្រុងក្រចេះ បើកប្រតិបត្តការបង្ក្រាបបទល្មើសគ្រឿញៀន ដោយឃាត់ខ្លួនយុវជន ៣នាក់ ២ករណីផ្សេងគ្នា ក្នុងថ្ងៃតែមួយ នៅព្រឹកថ្ងៃទី០៤ ខែមិនា ឆ្នាំ២០១៧ នៅមុខសាលាខេត្តក្រចេះ ស្ថិតភូមិក្រចេះ សង្កាត់ក្រចេះ ក្រុងក្រចេះ។

កម្លាំងនគរបាលក្រុងក្រចេះ បានឲ្យដឹងថា ដំបូងកម្លាំងនគរបាលបានខ្លួនជនសង្ស័យចំនួន ២នាក់ ដកហូតបានថ្នាំញៀន ៤កញ្ចប់ និងសម្ភារៈរំលែកគ្រឿងញៀនមួយចំនួន នៅមុខសាកលល័យ UME ស្ថិតនៅភូមិស្រែស្ដៅ សង្កាត់អូរឫស្សី ក្រុងក្រចេះ។ បន្ទាប់ពីបានធ្វើការសាកសួករួចមក ជនសង្ស័យបានឆ្លើយសារភាពថា​ ខ្លួនពិតជាបានធ្វើសកម្មភាពជួញដូរ គ្រឿងញៀនពិតប្រាកដមែន។

ដោយឡែក កម្លាំងអធិការដ្ឋាននគរបាលក្រុងក្រចេះ បានឃាត់ខ្លួនជនសង្ស័យម្នាក់ទៀត ពីបទរក្សាទុក និងជួញដូរនៅ សាធាតុញៀន។ ជនសង្ស័យមានឈ្មោះ ណា ពន្លី អាយុ១៩ឆ្នាំ មុខរបបកម្មករលាងឡាន នៅភូមិក្រចេះ ក្រុងក្រចេះ ដកហូតបានម្ស៉ៅក្រាមពណ៌ស ចំនួន២កញ្ចប់ គេបានសារភាពថា ខ្លួនបានទិញថ្នាំញៀនពីឈ្មោះ ហ្សែន។

បច្ចប្បន្ន ជនសង្ស័យទាំង៣នាក់ ត្រូវបញ្ជូនទៅសួរនាំនៅការិយាល័យប្រឆាំងគ្រឿតញៀន នៃស្នងការដ្ឋាននគរបាល ខេត្តក្រចេះ ដើម្បីកសាងសំណុំរឿងទៅតុលាការ៕