(អារូស្សា)៖ ប្រទេសតង់ហ្សានីគ្រោងនឹងដាក់បញ្ចូលដើមឈើដ៏ចំណាស់ ដែលមានកម្ពស់ខ្ពស់ជាងគេបំផុតមួយនៅទ្វីបអាហ្វ្រិក ទៅក្នុងបញ្ជីនៃបណ្តាទីកន្លែងទេសចរណ៍មិនអាចរំលងរបស់ប្រទេសនៅតំបន់អាហ្វ្រិកខាងកើតមួយនេះ។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះបន្តិចនាល្ងាចថ្ងៃអង្គារ ទី២៨ ខែកុម្ភៈ ឆ្នាំ២០១៧។
គួរបញ្ជាក់ថាដើមឈើប្រភេទ Entandrophragma Excelsum ដែលមានកម្ពស់ដល់ទៅ៨១.៥ម៉ែត្រ និងអាយុប្រហែលជា៦០០ឆ្នាំនេះ ស្ថិតនៅលើជើងភ្នំដែលកម្ពស់ជាងគេបំផុតនៅក្នុងទ្វីបអាហ្រ្វិក និងមានឈ្មោះល្បីល្បាញជុំវិញពិភពលោកគឺភ្នំ Kilimanjaro ហើយវាត្រូវបានប្រទះឃើញជាលើកដំបូងដោយអ្នកស្រាវជ្រាវម្នាក់ឈ្មោះថា Andreas Hemp នៃសាកលវិទ្យាល័យ Bayreuth ប្រទេសអាល្លឺម៉ង់កាលពីជាង២០ឆ្នាំមុន៕
